ទាក់ទិននឹងពាក្យសំដីរបស់បុគ្គលលោកខាងលិចមួយចំនួនដែលបាននិយាយថា ប្រទេសចិនកំពុងបង្កើនឥទ្ធិពលរបស់ខ្លួនតាមរយៈការផ្តល់ជំនួយប្រយុទ្ធប្រឆាំងនឹងជំងឹCOVID-19 លោកស្រី ហួ ឈុនយីង អ្នកនាំពាក្យក្រសួងការបរទេសចិនបានថ្លែងក្នុងសន្និសីទសារព័ត៌មានជាប្រចាំដែលបើកធ្វើនៅក្រុងប៉េកាំងកាលពីថ្ងៃទី៣០ខែមីនាថា សង្ឃឹមប្រទេសពាក់ព័ន្ធអាចប្រើក្រសែភ្នែកប្រកបដោយសត្យានុម័យទៅមើលពីការពិតដែលប្រទេសចិនបានធ្វើកិច្ចសហប្រតិបត្តិការអន្តរជាតិខាងការប្រយុទ្ធប្រឆាំងនឹងជំងឺCOVID-19 ហើយប្រើពាក្យសំដី និងរឿងដែលមានផលប្រយោជន៍កាន់តែច្រើនដល់កិច្ចសហប្រតិបត្តិការអន្តរជាតិខាងការប្រយុទ្ធប្រឆាំងនឹងជំងឹCOVID-19។
លោកស្រី ហួ ឈុនយីង បានគូសបញ្ជាក់ថា ប្រឈមមុខនឹងករណីជំងឺឆ្លង ការជួយអ្នកដទៃគឺជាការជួយដល់ខ្លួនឯង ករណីជំងឺឆ្លងដែលផ្ទុះឡើងភ្លាមៗដែលប្រកបដោយសោកនាដកម្មនេះបានបញ្ជាក់ម្តងទៀតថាមនុស្សជាតិគឺជាសហគមន៍រួមវាសនាតែមួយ ប្រឈមមុខនឹងករណីជំងឺឆ្លង គ្មានប្រទេសណាមួយអាចនៅយកសុខតែខ្លួនឯងនោះទេ មានតែរួមសាមគ្គីគ្នានិងធ្វើកិច្ចសហប្រតិបត្តិការទើបអាចពុះពារឧបសគ្គបាន។