ពេលផ្តល់បទសម្ភាសន៍ពិសេសជាមួយក្រុមហ៊ុនវិទ្យុABCអាមេរិកនាពេលកន្លងទៅថ្មីៗនេះ លោកRobert Garryសាស្រ្តាចារ្យនៃសកលវិទ្យាល័យTulaneអាមេរិកនិងជាអ្នកជំនាញវេជ្ជសាស្រ្តអាមេរិកបានបង្ហាញយ៉ាងច្បាស់ថា តាមការវិភាគរបស់ពួកគេ ផ្សារលក់ដូរគ្រឿងសមុទ្រហួណានក្រុងវូហានប្រទេសចិនមិនមែនជាប្រភពនៃវីរុសកូវីដ១៩នោះទេ។ សេចក្តីសន្និដ្ឋាននេះបាននាំឱ្យសហគមន៍អន្តរជាតិផ្តោតការយកចិត្តទុកដាក់កម្រិតខ្ពស់យ៉ាងឆាប់រហ័ស។
ថ្ងៃទី១៧ខែមីនា ទស្សនវដ្តី”Nature Medicine”ដែលជាទស្សនវដ្តីវេជ្ជសាស្រ្តលំដាប់កំពូលអន្តរជាតិបានចុះផ្សាយអត្ថបទថ្មីបំផុតដែលសហការនិពន្ធដោយអ្នកវិទ្យាសាស្រ្តមកពីអាមេរិក អង់គ្លេសនិងអូស្រ្តាលីចំនួន៥រូប។ ទស្សនៈសំខាន់ៗនៃអត្ថបទមួយនេះគឺវីរុសកូវីដ១៩មិនមែនកើតចេញពីបន្ទប់ពិសោធន៍ទេ ហើយក៏មិនមែនជាវីរុសដែលត្រូវបង្កើតឡើងនិងគ្រប់គ្រងដោយមនុស្សដើម្បីសម្រេចគោលបំណងអ្វីនោះដែរ។ ថ្ងៃទី១៨ខែមីនា វេបសាយផ្លូវការនៃសកលវិទ្យាល័យTulaneអាមេរិកបានបង្ហោះវីដេអូយកបទសម្ភាសន៍ជាមួយលោកRobert Garryអ្នកនិពន្ធមួយរូបនៃអត្ថបទមួយនេះនិងជាអ្នកជំនាញវេជ្ជសាស្រ្តនៃសកលវិទ្យាល័យTulane។ ថ្លែងតាមរយៈវីដេអូឃ្លីបនេះ លោកRobert Garryបានលើកឡើងថា វីរុសកូវីដ១៩គឺកើតចេញពីធម្មជាតិ។
តាមពិតទៅ មានអ្នកវិទ្យាសាស្ត្រកាន់តែច្រើនឡើងៗបានរកឃើញតាមរយៈការសិក្សាស្រាវជ្រាវថា ប្រភពនៃវីរុសកូរ៉ូណាថ្មីមានលទ្ធភាពមកពីកន្លែងផ្សេងទៀត។
នាថ្ងៃទី២៦ខែមីនា លើទស្សនវដ្តី«កោសិកា»ដែលជាទស្សវដ្តីវេជ្ជសាស្រ្តលំដាប់កំពូលអន្តរជាតិបានចុះផ្សាយអត្ថបទមួយដែលសហការនិពន្ធដោយលោកចាំងយូងចឹនសាស្ត្រាចារ្យនៃមជ្ឈមណ្ឌលសម្រាកព្យាបាលផ្នែកសុខាភិបាលសាធារណៈរបស់សកលវិទ្យាល័យហ្វូតានក្រុងសៀងហៃប្រទេសចិន និងលោក Edward Holmes សាស្ត្រាចារ្យនៃវិទ្យាស្ថានវេជ្ជសាស្រ្តនិងវិទ្យាស្ថានជីវិតនិងវិទ្យាសាស្ត្របរិស្ថាននៃសកលវិទ្យាល័យស៊ីតនីប្រទេសអូស្ត្រាលី ដោយសម្គាល់ឃើញថា នៅមុនដំណាច់ខែធ្នូឆ្នាំ២០១៩ វីរុសកូរ៉ូណាថ្មីមានលទ្ធភាពកើតមានការប្រែប្រួលជាគន្លឹះខ្លះក្នុងដំណាក់ចម្បងពីមនុស្សទៅមនុស្សដោយសម្ងាត់។
បច្ចុប្បន្ននេះ មានប្រទេសកាន់តែច្រើនឡើងៗបានរកឃើញករណីជំងឺឆ្លងកូវីដ១៩ដែលមានការទាក់ទងជាមួយជនជាតិចិន ឧទាហរណ៍ដូចជានៅរដ្ឋការីហ្វូញ៉ាអាមេរិក បានរកឃើញអ្នកជំងឺដែលមិនបានទៅធ្វើទេសចរណ៍នៅតំបន់មានជំងឺឆ្លងធ្ងន់ធ្ងរទេ ហើយក៏មិនដែលបានប៉ះពាល់ជាមួយអ្នកជំងឺកូវីដ១៩ដែរ ចំណែកឯអ្នកជំងឺពីរនាក់ដែលបានរកឃើញមុនគេបង្អស់នៅប្រទេសអ៊ីរ៉ង់ក៏មិនដែលបានទៅធ្វើទេសចរណ៍នៅប្រទេសចិនដែរ៕