កាលពីថ្ងៃទី ២៧ ខែមីនា ការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានកោះធ្វើសន្និសីទ ស្រាវជ្រាវនិងចាត់ចែងការងារសម្របសម្រួលជំរុញការបង្ការនិងគ្រប់គ្រងជំងឺកូវីដ១៩និងការងារអភិវឌ្ឍសេដ្ឋកិច្ចនិងសង្គមថែលមួយកម្រិតទៀត ។
សន្និសីទសម្គាល់ថា ការបង្ការនិងគ្រប់គ្រងជំងឺកូវីដ១៩នៃប្រទេសចិនទទួលបានប្រសិទ្ធភាពសំខាន់ជាដំណាក់កាល សណ្តាប់ធ្នាប់សេដ្ឋកិច្ចនិងសង្គមបានរៀបចំឡើងវិញយ៉ាងលឿន ។ ត្រូវតែធ្វើការងារបង្ការនិងគ្រប់គ្រងជំងឺកូវីដ១៩នៅតំបន់សំខាន់ៗដោយមិនបន្ធូរបន្ថយ ។ ជំរុញកិច្ចសហប្រតិបត្តិការអន្តរជាតិក្នុងការប្រយុទ្ធប្រឆាំងនឹងជំងឺកូវីដ១៩ បន្តផ្តល់ជំនួយតាមសមត្ថភាពរបស់ខ្លួនដល់ប្រទេសមានពាក់ព័ន្ធ ។
សន្និសីទបានសង្កត់ធ្ងន់ថា ត្រូវតែអនុវត្តឱ្យបានល្អនូវនយោបាយកាត់បន្ថយពន្ធដារនិងសៅហ៊ុយ ពន្លឿនជំរុញសេចក្តីត្រូវការនៃទីផ្សារក្នុងស្រុក ពង្រឹងកិច្ចសហប្រតិបត្តិការសេដ្ឋកិច្ចនិងពាណិជ្ជកម្មអន្តរជាតិ ធានាភាពរលូននៃការដឹកជញ្ជូនទំនិញអន្តរជាតិ ។
សន្និសីទសម្គាល់ថា ការរីករាលដាលនៃជំងឺកូវីដ១៩នាំមកនូវឧបសគ្គថ្មី ត្រូវតែបន្តបង្កើនពុះពារឧបសគ្គក្នុងការលុបបំបាត់ភាពក្រីក្រ ដើម្បីធានាជាក់លាក់ការកសាងរួចនូវសង្គមដែលជីវភាពមានធូរធាដោយគ្រប់ជ្រុងជ្រោយតាមពេលកំណត់ ៕
