កាលពីថ្ងៃទី ២៦ ខែមីនា មេដឹកនាំអាមេរិកបានចុះហត្ថលេខាលើគម្រោងតៃវ៉ាន់ឆ្នាំ ២០១៩ ទៅជាច្បាប់ រារាំងដោយចំហមិនឱ្យប្រទេសផ្សេងទៀតចងចំណងផ្លូវទូតជាមួយប្រទេសចិន ហើយជ្រៀតជ្រែកយ៉ាងកម្រោលនូវកិច្ចការផ្ទៃក្នុងនៃប្រទេសចិន ។
ច្បាប់នេះបានល្មើសយ៉ាងធ្ងន់ធ្ងរនូវគោលការណ៍ប្រទេសចិនមួយនិងសេចក្តីថ្លែងការណ៍រួម ៣ រវាងចិននិងអាមេរិក បានល្មើសយ៉ាងធ្ងន់ធ្ងរនូវច្បាប់អន្តរជាតិនិងបទដ្ឋានមូលដ្ឋាននៃទំនាក់ទំនងអន្តរជាតិ គឺបានបញ្ចេញសញ្ញាខុសឆ្គងដល់កម្លាំងបំបែកបំបាក់ចង់ឱ្យតៃវ៉ាន់ឯករាជ្យ ក៏បានរារាំងយ៉ាងខ្លាំងទៅលើកិច្ចសហប្រតិបត្តិការក្នុងការប្រយុទ្ធប្រឆាំងនឹងជំងឺកូវីដ-១៩នៃពិភពលោកនាពេលបច្ចុប្បន្ន ។
អាមេរិកបានក្លាយជាប្រទេសមួយដែលមានករណីឆ្លងជំងឺកូវីដ-19 ច្រើនជាងគេបំផុតលើពិភពលោក ។ ប៉ុន្តែ អាមេរិកបានធ្វេសប្រហែសចំពោះអាយុជីវិតរបស់ប្រជាជនខណៈពេលគ្រាអាសន្ននេះ ដោយបានផ្តោតសំខាន់ទៅលើការបង្កើតច្បាប់បង្កបដិបគ្គគ្នា គួរឱ្យពិភពលោកភ្ញាក់ផ្អើល ។
ប្រទេស ១៨០ លើពិភពលោកបានបង្កើតទំនាក់ទំនងផ្លូវទូតជាមួយប្រទេសចិន ។ អាមេរិកបានបំផ្លាញដល់កិច្ចសហប្រតិបត្តិការអន្តរជាតិដើម្បីប្រយុទ្ធប្រឆាំងនឹងជំងឺឆ្លងដោយយកលេសពីបញ្ហាតំបន់តែវ៉ាន់ម្តងទៀត បានប៉ះពាល់ដល់សមគ្គីភាពរវាងចិននិងអាមេរិកក្នុងការទប់ទល់នឹងជំងឺឆ្លង ។ នេះជាទង្វើមិនទទួលខុសត្រូវបំផុតចំពោះអាយុជីវិតរបស់ប្រជាជនអាមេរិក ។
កម្លាំងណាមួយក្តីសុទ្ធតែមិនអាចរារាំងការបង្រួមប្រទេសជាតិរបស់ចិនឡើយ។ បញ្ហាតៃវ៉ាន់ជាផលប្រយោជន៍ស្នូលរបស់ចិន ហើយគោលការប្រទេសចិនតែមួយជាមតិឯកភាពជាទូទៅនៃសហគមន៍អន្តរជាតិ។ សហរដ្ឋអាមេរិកបានលើកឡើងច្បាប់ពាក់ព័ន្ធនឹងតៃវ៉ាន់ម្តងហើយម្តងទៀត ការនេះគ្រាន់តែបង្ខូចបំផ្លាញនូវផលប្រយោជន៍ផ្ទាល់ខ្លួននៃអាមេរិកតែប៉ុណ្ណោះ។ សូមដាស់តឿនអាមេរិកកែកំហុសខ្លួនភ្លាម ពុំនោះសោត ចិនមុខជានឹងឆ្លើយតបទៅវិញដោយម៉ឺងម៉ាត់៕