កាលពីថ្ងៃទី ២៦ ខែមីនា លោកគូធើរេស អគ្គលេខាធិការអង្គការសហប្រជាជាតិបានថ្លែងសន្ទរកថានៅក្នុងសន្និសីទកំពូលពិសេសនៃមេដឹកនាំប្រទេសG20ស្តីពីការប្រយុទ្ធប្រឆាំងនឹងជំងឺកូវីដ១៩ ដោយជំរុញដល់មេដឹកនាំប្រទេសG20បង្កើតផែនការកាលមានសង្គ្រាម ដើម្បីសម្របសម្រួលការប្រយុទ្ធប្រឆាំងនឹងជំងឺកូវីដ១៩ ព្រមទាំងជួយប្រទេសកំពុងអភិវឌ្ឍន៍ជម្នះឧបសគ្គ។
លោកគូធើរេសបានជំរុញដល់ប្រទេសG20ឱ្យបង្កើតយន្តការទប់ទល់ជំងឺកូវីដ១៩ក្រោមការណែនាំរបស់អង្គការសុខភាពពិភពលោក ធ្វើសកម្មភាពដោយស៊ីសង្វាក់គ្នា ក៏ដូចជាផ្តល់ជំនួយទ្រង់ទ្រាយធំដល់ប្រទេសកំពុងអភិវឌ្ឍន៍ ដើម្បីជួយប្រទេសកំពុងអភិវឌ្ឍន៍ក្នុងការលើកកម្ពស់សមត្ថភាពតទល់ ។ លោកបានថ្លែងថា ការបញ្ឈប់ការរាតត្បាតនៃវីរុសឱ្យបានឆាប់បំផុត គឺវាត្រូវតែជាយុទ្ធសាស្ត្ររួម ។
លោកគូធើរេសបានអំពាវនាវឱ្យដាក់ចេញនូវផែនការជំរុញសេដ្ឋកិច្ចដើម្បីជួយប្រទេសកំពុងអភិវឌ្ឍន៍ឆ្លងកាត់ការលំបាក ដកជាបណ្តោះអាសន្ននូវវិធានការដាក់ទណ្ឌកម្មលើប្រទេសមួយចំនួនមានពាក់ព៍ន្ធ ដើម្បីកុំឱ្យប៉ះពាល់ដល់សមត្ថភាពទប់ទល់ជំងឺកូវីដ១៩នៃប្រទេសទាំងនេះ ៕
