កាលពីថ្ងៃទី ២៦ ខែមីនា នាយកដ្ឋានជាតិចិន សម្រាប់ការអភិវឌ្ឍនិងកិច្ចសហប្រតិបត្តិការអន្តរជាតិ បានឱ្យដឹងថា ស្ថាប័នមានពាក់ព័ន្ធនៃរដ្ឋាភិបាលចិននិងសហគ្រាសចិនកំពុងមមាញឹក ដើម្បីផ្តល់ជំនួយអន្តរជាតិ សម្រាប់ការប្រយុទ្ធប្រឆាំងនឹងជំងឺកូវីដ១៩ ។ បច្ចុប្បន្នបានផ្តល់ជំនួយដល់ប្រទេសអាស៊ីចំនួន ២៨ ប្រទេសអឺរ៉ុបចំនួន ១៦ ប្រទេសអាហ្វ្រិកចំនួន ២៦ ប្រទេសអាមេរិកឡាទីនចំនួន ៩ ប្រទេសប៉ាស៊ីហ្វិកខាងត្បូងចំនួន១០ និងអង្គការអន្តរជាតិចំនួន ៤ រួមមាន អាស៊ាន សហភាពអឺរ៉ុបនិងសម្ព័ន្ធអាហ្វ្រិកជាដើម ដោយរួមមានរូបភាពជំនួយជាសម្ភារៈវេជ្ជសាស្ត្រនិងជំនួយជាបច្ចេកទេសព្យាបាល ។
រដ្ឋបាលតំបន់ សហគ្រាស អង្គការស៊ីវិល និងបុគ្គលជាច្រើននៃប្រទេសចិន ក៏បានចូលរួមក្នុងសកម្មភាពផ្តល់ជំនួយអន្តរជាតិនេះផងដែរ ។
មេដឹកនាំនៃប្រទេសនិងអង្គការអន្តរជាតិជាច្រើន បានថ្លែងអំណរគុណតាមគ្រប់រូបភាពដល់ការជួយឧបត្ថម្ភរបស់ប្រទេសចិន ។
បច្ចុប្បន្ន ជំងឺកូវីដ១៩នៅតែរីករាលដាលឥតឈប់ឈរនៅទូទាំងពិភពលោក ខណៈរដ្ឋា ភិបាលចិន នឹងធានាឱ្យបានពេញលេញនូវការងារបង្ការនិងគ្រប់គ្រងជំងឺកូវីដ១៩ក្នុងប្រទេស ព្រមទាំងបន្តផ្តល់ជំនួយសម្រាប់ប្រយុទ្ធប្រឆាំងនឹងជំងឺកូវីដ១៩ តាមសមត្ថភាពដល់ប្រទេសមានពាក់ព័ន្ធ ៕