នាពេលថ្មីៗនេះ កាសែត<The Guardian >នៃប្រទេសអង់គ្លេសបានចេញផ្សាយរបាយការណ៍មួយដោយបាននិយាយថា ធនាគារគំនិតអាមេរិកជាច្រើនជឿជាក់ថា ការរីករាលដាលនៃជំងឺកូវីដ-១៩ បានបង្ហាញពីសមត្ថភាពអភិបាលកិច្ចរបស់លោកត្រាំ។ ក្រៅពី អសមត្ថភាព ក្នុងការដាក់ចេញប្រកបដោយប្រសិទ្ធភាពនូវវិធានការបង្ការនិងគ្រប់គ្រងការរាតត្បាតនៃជំងឺនេះទាន់ពេលវេលា ក៏បានបំផ្លាញដល់ជំនឿចិត្តរបស់សាធារណជនចំពោះអ្នកជំនាញ អ្នកវិទ្យាសាស្ត្រនិងរដ្ឋាភិបាលផងដែរ។
កាសែត<The Guardian >អះអាងថា លោកត្រាំចូលចិត្តប្រយុទ្ធប្រឆាំងនឹងជំងឺកូវីដ-១៩ ដែលជាសត្រូវរបស់មនុស្សជាតិទាំងអស់នៅលើប្រព័ន្ធទំនាក់ទំនងសង្គម Twitter ប៉ុណ្ណោះ។ លោកមានជំនឿចិត្តខ្លាំងពេកចំពោះសំណាងនយោបាយរបស់លោក ហើយលោកបានបដិសេធការផ្គត់ផ្គង់ឧបករណ៍ធ្វើតេស្ត ដែលត្រូវបានអនុម័តដោយអង្គការសុខភាពពិភពលោក ដោយមិនគិតពីការគំរាមកំហែងនៃវីរុសកូវីដ-១៩ និងគិតថា វីរុសកូវីដ-១៩ ដូចជាជំងឺផ្តាសាយធម្មតា។ អ្នកទទួលខុសត្រូវនៃវិទ្យាស្ថានស្រាវជ្រាវសុខភាពសកលហាវ៉ាដបានថែ្លងថា ការឆ្លើយតបជាបន្ទាន់របស់ពួកយើងចំពោះវីរុសនេះ គឺអាក្រក់ជាងប្រទេសអ៊ីរ៉ង់ អ៊ីតាលី ចិននិងកូរ៉េខាងត្បូង។
កាសែត<The Guardian >បានរាយការណ៍ឱ្យដឹងថា ដើម្បីធានាបាននូវមូលដ្ឋានសម្រាប់ការជាប់ឆ្នោតឡើងវិញដោយជោគជ័យ គឺទីផ្សារហិរញ្ញវត្ថុ លោកត្រាំព្យាយាមមិនអើពើនឹងតួលេខស្ថិតិរបស់សុខភាព និង បានចុះពិនិត្យមជ្ឈមណ្ឌលគ្រប់គ្រងនិងបង្ការជំងឺក្រុងអាត្លង់តាដោយពាក់មួកយុទ្ធនាការឃោសនាបោះឆ្នោត។លោកត្រាំ មិនត្រឹមតែកោតសរសើរខ្លួនដែលយល់ដឹងអំពីវីរុសកូវីដ-១៩ នេះ ទេ ថែមទាំងបានអះអាងដោយកំហុកថា អ្នកទាំងអស់ដែលចង់ធ្វើតេស្តអំពីវីរុសកូវីដ-១៩ សុទ្ធតែអាចទទួលបានការធ្វើតេស្ត។ រហូតដល់ទៅលោក Pence អនុប្រធានាធិបតី ចេញមុខដើម្បីកែសម្រួលពាក្យសម្តីរបស់លោក៕
