ដើម្បីជួយប្រទេសស៊ែប៊ីទប់ទល់នឹងករណីជំងឺកូវីដ១៩ រដ្ឋាភិបាលចិនបានចាត់បញ្ជូនក្រុមអ្នកជំនាញពេទ្យទៅកាន់ប្រទេសស៊ែប៊ី។ វេលាម៉ោង១៩និង៣០នាទី យប់ថ្ងៃទី២១ខែមីនា តាមម៉ោងក្នុងតំបន់ ក្រុមអ្នកជំនាញពេទ្យចិនបានអញ្ជើញទៅដល់ស៊ែប៊ី សម្ភារៈសម្រាប់បង្ការនិងគ្រប់គ្រងជំងឺឆ្លងក្នុងទម្ងន់ជាង១០តោនដែលប្រទេសចិនប្រមូលជាបន្ទាន់ ដូចជាម៉ាស៊ីជួយដកដង្ហើម ម៉ាស់និងសារធាតុប្រតិកម្មគិមីជាដើមក៏ត្រូវដឹកជញ្ជូនទៅដល់ស៊ែប៊ីតាមយន្តហោះពិសេសផងដែរ ។
មន្រ្តីរដ្ឋាភិបាលជាច្រើនរូបដូចជាលោក Vucicប្រធានាធិបតីស៊ែប៊ីជាដើមបានសម្តែងការស្វាគមន៍យ៉ាងកក់ក្តៅនិងថ្លែងអំណរគុណយ៉ាងស្មោះចំពោះក្រុមអ្នកជំនាញពេទ្យចិន ។បន្ទាប់មក លោក Vucicបានថើបទង់ក្រហមផ្កាយ៥ដោយក្តីស្រឡាញ់ ដើម្បីថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលនិងប្រជាជនចិនដែលបានផ្តល់ការគាំទ្រនិងជំនួយឧបត្ថម្ភដល់ស៊ែប៊ីក្នុងគ្រាដ៏លំបាក។
ក្រុមអ្នកជំនាញពេទ្យចិនមានសមាជិក៦នាក់ ។ ក្រុមអ្នកជំនាញពេទ្យចិនអះអាងថា នឹងជួយស៊ែប៊ីទប់ទល់នឹងករណីជំងឺឆ្លងដោយកាន់អាកប្បកិរិយាវិទ្យាសាស្រ្តនិងម៉ឺងម៉ាត់ ក៏ដូចជាសម្រេចភារកិច្ចជួយឧបត្ថម្ភយ៉ាងមុតមាំផងដែរ៕