ថ្ងៃទី២០ខែមីនា ប្រទេសចិនបានរៀបចំកិច្ចប្រជុំវីដេអូខុនហ្វើរីនជាមួយប្រទេសចំនួន១៨ក្នុងតំបន់អឺរ៉ាស៊ីនិងអាស៊ីខាងត្បូងអំពីបញ្ហាបង្ការនិងគ្រប់គ្រងជំងឺកូវីដ១៩។ មន្ត្រីរដ្ឋាភិបាលនិងអ្នកជំនាញសុខាភិបាលព្រមនិងតំណាងអង្គការសុខភាពពិភពលោកប្រចាំនៅប្រទេសពាក់ព័ន្ធប្រមាណ២០០រូបបានអញ្ជើញចូលរួមកិច្ចប្រជុំលើកនេះ។
អ្នកជំនាញនិងតំណាងចិនបានជម្រាបជូនយ៉ាងលម្អិតអំពីនិន្នាការវិវត្តន៍និងលក្ខណៈពិសេសនៃករណីជំងឺឆ្លង ក៏ដូចជាបទពិសោធន៍និងការអនុវត្តរបស់ប្រទេសចិនក្នុងការបង្ការនិងគ្រប់គ្រងជំងឺឆ្លង ការព្យាបាលក្នុងមន្ទីរពេទ្យ និងចត្តាឡីស័កជាដើម ហើយក៏បានឆ្លើយសំណួរជាង៨០របស់ភាគីបរទេសដែរ។ កិច្ចប្រជុំដែលគ្រោងធ្វើរយៈពេល២ម៉ោងជក់ស្តែងបានបើកអស់ជាង៤ម៉ោង។
តំណាងភាគីនានាបានកោតសសើរខ្ពស់ចំពោះប្រទេសចិនដែលបានចាត់វិធានការដ៏ខ្លាំងក្លានិងបានរួមចំណែកយ៉ាងសំខាន់ដល់បុព្វហេតុសុខាភិបាលសាធារណៈពិភពលោក ហើយបានថ្លែងអំណរគុណដល់ប្រទេសចិនដែលបានរៀបចំកិច្ចប្រជុំលើកនេះដោយទាន់ពេលវេលានិងសម្គាល់ថា កិច្ចប្រជុំលើកនេះប្រកបដោយអត្ថន័យសំខាន់សម្រាប់យកទៅសិក្សារៀនសូត្រចំពោះប្រទេសនិងតំបន់ដែលកំពុងស្ថិតក្នុងដំណាក់កាលគន្លឹះនៃការទប់ស្កាត់ករណីជំងឺឆ្លង។ បណ្តាប្រទេសនានារំពឹងយ៉ាងស្មោះថាអាចរួមសហការជាមួយប្រទេសចិនដើម្បីយកឈ្នះលើការប្រយុទ្ធប្រឆាំងនឹងជំងឺកូវីដ១៩៕