ពេលកន្លងទៅថ្មីៗនេះ អាមេរិកបានចេញរបាយការណ៍ស្តីពីសិទ្ធិមនុស្សជាតិប្រចាំឆ្នាំ ២០១៩ ដោយបានវាយប្រហារម្តងទៀត ទៅលើស្ថានភាពសិទ្ធិមនុស្សនិងនយោបាយគ្រប់គ្រងភូមិភាគស៊ីនជាំង (Xinjiang) របស់ប្រទេសចិន ហើយបានមួលបង្កាច់ថា ប្រទេសចិនបានឃុំឃាំងជនជាតិអ៊ុយហ្គ័រក្នុងជំរំឃុំឃាំងជាដើម ។ ពាក្យខុសឆ្គងទាំងនេះ ការពិតគឺជាការ កុហកផ្នែកនយោបាយ ដែលត្រូវបានធ្វើឡើង ក្នុងគោលបំណង ដើម្បីរារាំងការអភិវឌ្ឍរបស់ប្រទេសចិន ។
កាលពីខែធ្នូឆ្នាំ ២០១៩ វេបសាយព័ត៌មានរបស់អាមេរិកមួយបានសម្ភាសតែជនជាតិអ៊ុយហ្គ័រ ៨ នាក់ប៉ុណ្ណោះ ហើយបានធ្វើការសន្និដ្ឋានដោយផ្តេសផ្តាសថា មានជនជាតិអ៊ុយហ្គ័រពី ១ លាន ដល់ ២ លាននាក់ត្រូវរដ្ឋាភិបាលចិនឃុំខ្លួន។ ប៉ុន្តែ ប្រព័ន្ធសារព័ត៌មាននិងអ្នកនយោបាយលោកខាងលិចមួយចំនួន បានធ្វើជាមិនឮមិនឃើញ ដោយបានប្រើប្រាស់ទិន្នន័យមិនពិត ដើម្បីវាយប្រហារប្រទេសចិន។
សម្រាប់ប្រជាជនជាច្រើន នៅស៊ីជាំង មជ្ឈមណ្ឌលអប់រំនិងបណ្តុះបណ្តាលជំនាញវិជ្ជាជីវៈគឺជាវេទិកាសំខាន់មួយ សម្រាប់ពួកគេរើបម្រះខ្លួនចេញពីគំនិតជ្រុលនិយមនិងផ្លាស់ប្តូរវាសនារបស់ខ្លួន ។ ក្នុងរយៈពេល៣ ឆ្នាំកន្លងទៅ ភូមិភាគស៊ីនជាំងគ្មានហេតុការណ៍ភេរវកម្ម ដោយអំពើហិង្សា កើតឡើងឡើយ ដែលភាគច្រើនបណ្តាលមកពីវិធានការប្រឆាំងភេរវកម្មនិងប្រឆាំងភាពជ្រុលនិយមនិង រួមទាំងការបង្កើតមជ្ឈមណ្ឌលអប់រំនិងបណ្តុះបណ្តាលជំនាញវិជ្ជាជីវៈជាដើម ។
កាលពីខែកក្កដាឆ្នាំ ២០១៩ មានប្រទេសចំនួន ៥១ ក្នុងនោះរួមទាំងប្រទេសចំនួន២៨ ដែលជាប្រទេសសមាជិកអង្គការសហប្រតិបត្តិការអ៊ីស្លាម បានរួមគ្នាផ្ញើលិខិតមួយជូនទៅប្រធានក្រុមប្រឹក្សាសិទ្ធិមនុស្ស និងឧត្តមស្នងការទទួលបន្ទុកកិច្ចការសិទ្ធិមនុស្សនៃអង្គការសហប្រជាជាតិ ដើម្បីសម្តែងការកោតសរសើរគោលនយោបាយស្តីពីការប្រឆាំងអំពើភេរវកម្មនៅXinjiang និងការយកចិត្តទុកដាក់ និងថែទាំ ព្រមទាំងគោរពរាប់អាន ជនជាតិម៉ូស្លីមពីសំណាក់រដ្ឋាភិបាលចិន។
ចំពោះពាក្យសម្តីមួលបង្កាច់ថា ចិនបានដាក់កំហិតលើការធ្វើសកម្មភាពសាសនា នៅ Xinjiang ក៏ជាការប្រឌិតដែរ។ នាពេលបច្ចុប្បន្ននេះ ទូទាំងប្រទេសចិនមានវិហារអ៊ីស្លាមចំនួនជាង ៣៥០០០ គឺច្រើនជាងរាប់សិបដងនៃចំនួនវិហារអ៊ីស្លាម នៅបារាំង អាមេរិកនិងអង់គ្លេស។
ការពិតបានបញ្ជាក់យ៉ាងច្បាស់លាស់ថា បញ្ហាពាក់ព័ន្ធនឹង Xinjiang មិនជាប់ពាក់ព័ន្ធនឹងបញ្ហាសិទ្ធិមនុស្ស សាសនា ឬជនជាតិនោះឡើយ គឺជាការប្រឆាំងនឹងអំពើហិង្សាភេរវកម្ម ជាការប្រឆាំងនឹងការបំបែកបំបាក់ទឹកដីនិងប្រទេសជាតិ។ ប្រទេសភាគច្រើនដែលរិះគន់គោលនយោបាយគ្រប់គ្រងXinjiang របស់ប្រទេសចិន ក្រោមលេស«ដើម្បីសិទ្ធិមនុស្ស» ទាំងនេះ គឺកំពុងប្រឈមមុខនឹងបញ្ហារំលោភសិទ្ធិមនុស្សធ្ងន់ធ្ងរ កើតឡើងរាប់មិនអស់ទេ។ ឧទាហរណ៍ដូចជា សហរដ្ឋអាមេរិក គឺជាប្រទេសតែមួយគត់លើពិភពលោក ដែលបាននិងកំពុងអនុវត្តច្បាប់ «ហាមប្រាមមិនឱ្យជនជាតិអ៊ីស្លាមចូលដែន» ។
លោកស្រី Bachelet ឧត្តមស្នងការអង្គការសហប្រជាជាតិ ទទួលបន្ទុកកិច្ចការសិទ្ធិមនុស្សនឹងអញ្ជើញមកទស្សនកិច្ច Xinjiangរបស់ប្រទេសចិននៅឆ្នាំនេះ។ សង្ឃឹមថាដល់ពេលនោះ បន្ទាប់ពីបានទស្សនាផ្ទាល់នៅកន្លែងជាច្រើនរបស់តំបន់Xinjiang លោកស្រីអាចបង្ហាញពីអារម្មណ៍ផ្ទាល់របស់លោកស្រីជុំវិញការអភិវឌ្ឍសេដ្ឋកិច្ច សង្គម និងកិច្ចការសិទ្ធិមនុស្សនៅទីនោះ ហើយប្រាប់ទៅកាន់ពិភពលោកទាំងមូលអំពីតំបន់Xinjiang ពិតប្រាកដ៕
