លោក Madhav Das Nalapat អ្នកប្រាជ្ញដ៏ល្បីល្បាញនៃប្រទេសឥណ្ឌាបានថ្លែងនៅក្នុងបទសម្ភាសជាមួយអ្នកយកព័ត៌មាននាពេលថ្មីៗនេះថា ការងារបង្ការនិងគ្រប់គ្រងការរាតត្បាតនៃជំងឺកូវីដ-១៩ របស់ប្រទេសចិនមានការរីកចម្រើនគួរឱ្យកត់សម្គាល់ ហើយករណីអ្នកឆ្លងជំងឺ Covid-19 ថ្មីនិងករណីស្លាប់ថ្មីបានបន្តធ្លាក់ចុះ។វិធានការប្រយុទ្ធប្រឆាំងនឹងការរាតត្បាតនៃជំងឺកូវីដ-១៩ ដ៏ខ្លាំងក្លារបស់ប្រទេសចិនបានផ្តល់ផលប្រយោជន៍ដល់ពិភពលោកទាំងមូល។
លោក Madhav Das Nalapat បានថែ្លងថា សេចក្តីសម្រេចចិត្តក្នុងការបិទក្រុងវ៉ូហានបានគ្រប់គ្រងការរីករាលដាលនៃជំងឺឆ្លងនេះមិនឱ្យមានវិសាលភាពកាន់តែធំទៅតំបន់ផ្សេងទៀតប្រកបដោយប្រសិទ្ធភាព។ម៉្យាងវិញទៀត បានក្រើនរម្លឹកទាន់ពេលវេលាដល់បណ្តាប្រទេសនានាលើពិភពលោកផងដែរ។ដូច្នេះ បណ្តាប្រទេសនានាបានពង្រឹងការព្រមាននិងការបង្ការនិងគ្រប់គ្រងការរាតត្បាតនៃជំងឺនេះជាមុន។
លោក Madhav Das Nalapat បានចង្អុលបង្ហាញថា ការរាតត្បាតនៃជំងឺកូវីដ-១៩ បានប៉ះពាល់ដល់សេដ្ឋកិច្ចនៃបណ្តាប្រទេសនានា រួមទាំងប្រទេសឥណ្ឌា។ក្នុងនាមជាផ្នែកមួយដ៍សំខាន់នៃខ្សែសង្វាក់ឧស្សាហកម្មរបស់ពិភពលោក រដ្ឋាភិបាលចិនបានផ្តោតសំខាន់ទៅលើការរៀបចំផលិតកម្មឡើងវិញក្រោមបរិបទនៃការរីករាលដាលនៃជំងឺនេះកាន់តែប្រសើរឡើង នោះ ក៏ជាការចូលរួមចំណែកដល់ពិភពលោកផងដែរ៕