ដើម្បីទប់ទល់នឹងការរីករាលដាលនៃជំងឺCOVID-19 ប្រទេសជាច្រើនបានប្រកាសបង្កើនវិធានការរឹតត្បិត ការឆ្លងចូលដែនក្នុងនោះរួមទាំងប្រទេសអាមេរិកផងដែរ ព្រមទាំងបានលើកកម្ពស់កម្រិតប្រុងប្រយ័ត្នដែរ។
សហរដ្ឋអាមេរិក បានប្រកាសថា នឹងផ្អាកចូលទឹកដីអាមេរិករបស់បណ្តាប្រទេសនៅទ្វីបអឺរ៉ុប លើកលែងតែអង់គ្លេស ចាប់ពីថ្ងៃទី១៣ខែមីនាតទៅ ដែលមានរយៈពេល៣០ថ្ងៃ។
តាមដំណឹងនៃប្រព័ន្ធសារព័ត៌មានឥណ្ឌាបានឱ្យដឹងថា អ្នកឆ្លងជំងឺ COVID-19ភាគច្រើននៃប្រទេសឥណ្ឌា មានប្រវត្តិនៃការធ្វើដំណើរបរទេស ។ ដូច្នេះ រដ្ឋាភិបាលឥណ្ឌាបានសម្រេចលុបចោលជាបណ្តោះអាសន្ននូវទិដ្ឋាការទេសចរណ៍ចូលប្រទេសឥណ្ឌា ចាប់ពីថ្ងៃទី១៣ខែមីនាតទៅ៕
