កាលពីថ្ងៃទី ១០ ខែមីនា លោកស៊ី ជីនភីង ប្រធានរដ្ឋចិនបានធ្វើដំណើរទៅកាន់ក្រុងវូហាន ខេត្តហ៊ូប៉ី ដើម្បីត្រួតពិនិត្យការងារបង្ការនិងគ្រប់គ្រងជំងឺCOVID-19 ។ លោកបានបញ្ជាក់ថា ត្រូវបង្កើតប្រព័ន្ធមួយសម្រាប់ធានាអាយុជីវិតនិងសុខភាពសម្រាប់ប្រជាជន ។
លោកស៊ី ជីនភីងបានសង្កត់ធ្ងន់លើការផ្គត់ផ្គង់សម្ភារៈនិងរបស់ប្រើប្រាស់ប្រចាំថ្ងៃដែលចាំបាច់សម្រាប់ប្រជាជន ។ ជំងឺCOVID-19 មិនអាចប៉ះពាល់ដល់មូលដ្ឋានគ្រឹះនៃស្ថិរភាពសេដ្ឋកិច្ច របស់ខេត្តហ៊ូប៉ី ដែលកំពុងវិវឌ្ឍន៍ទៅមុខតាមទិសដៅដ៍ល្អប្រសើរ ប្រកបដោយចីរភាពក្នុងរយៈពេលយូរឡើយ ។ ភាគីនានា ត្រូវបន្តបង្កើនការគាំទ្រដល់ខេត្តហ៊ូប៉ី ជួយដោះស្រាយបញ្ហាខេត្តហ៊ូប៉ី ដើម្បីរៀបចំដំណើរការជាប្រក្រតីឡើងវិញឱ្យបានឆាប់៕