បច្ចុប្បន្ននេះ គ្រប់ទីកន្លែងនៃប្រទេសចិនសុទ្ធតែអនុវត្តនូវវិធានការបង្ការនិងគ្រប់គ្រងជំងឺកូវីដ-19 យ៉ាងខ្ជាប់ខ្ជូន ព្រមទាំងការងារជួយកាត់បន្ថយភាពក្រីក្រតាមរយៈឧស្សាហកម្ម។ នៅក្នុងភូមិZhangmiao ឃុំ Zhengwu ក្រុង Fuyang ខេត្ត Anhui របស់ប្រទេសចិន ដែលមានគ្រួសារក្រីក្រចំនួន ២៤៥ គ្រួសារ សហគ្រាសនិងរោងចក្រកាត់ដេរក្នុងភូមិនេះបានប្រើប្រាស់មធ្យោបាយស្វែងរកអ្នកក្រីក្រនៅមូលដ្ឋានផ្ទាល់ដើម្បីដោះស្រាយដំណើរការផលិតកម្មឡើងវិញផង និងជួយដោះស្រាយបញ្ហាខ្វះការងារសម្រាប់អ្នកក្រីក្រផងដែរ។
ព្រមជាមួយនេះ អាជ្ញាធរភូមិនេះក៏បានជួយកម្មករក្នុងភូមិនិងអ្នកភូមិក្រីក្របំពេញទម្រង់ការចូលបម្រើការងារ និងធានាការបើកប្រាក់ខែតាមពេលកំណត់សម្រាប់កម្មករ អំឡុងពេលមានជំងឺកូវីដ-19។
នារីឈ្មោះ WuYanzi ជាអ្នកភូមិម្នាក់បានប្រាប់ថា « ធ្វើការនៅទីនេះជាមធ្យមមួយខែបានប្រាក់ជាង ២០០០ យាន់ប្រាក់ចិន មិនបាច់ចេញឆ្ងាយពីផ្ទះនោះទេ ហើយអាចជួយថែទាំគ្រួសារផង មានអារម្មណ៍ថា បានគ្រាន់បើហើយនៅទីនេះក៍អាចរៀនបានចំណេះដឹងនិងបច្ចេកទេសបន្ថែមទៀត។ នាងខ្ញុំមានទំនុកចិត្តកាន់តែច្រើនក្នុងការកាត់បន្ថយភាពក្រី នៅថ្ងៃ អនាគត »៕
