តាមដំណឹងនៃគណៈកម្មាធិការអនាម័យនិងសុខាភិបាលជាតិចិនបានឱ្យដឹងថា គិតពីម៉ោងសូន្យរហូតដល់ម៉ោង ២៤ ថ្ងៃទី ៩ ខែមីនា តំបន់មហាដីគោចិនត្រូវបានរាយការណ៍ថា អ្នកឆ្លងជំងឺ COVID-19 ថ្មីមានចំនួន ១៩ ករណី ករណីស្លាប់ថ្មីចំនួន ១៧ នាក់និងចំនួនអ្នកសង្ស័យឆ្លងជំងឺ ថ្មី ចំនួន៣៦ ករណី ខណៈករណីចេញពីមន្ទីរពេទ្យបន្ទាប់ពីបានជាសះស្បើយមានចំនួន ១២៩៧ ករណី។
គិតត្រឹមម៉ោង ២៤ ថ្ងៃទី ៩ ខែមីនា ករណីវិនិច្ឆ័យឆ្លងជំងឺក្នុងមហាដីគោកចិនដែលត្រូវបានរាយការណ៍ មានចំនួនសរុប ៨០៧៥៤ ករណី ហើយបច្ចុប្បន្នមានករណីត្រូវសង្ស័យឆ្លងជំងឺ ៣៤៩ ករណី។ករណីចេញពីមន្ទីរពេទ្យបន្ទាប់ពីបានជាសះស្បើយសរុបចំនួន ៥៩៨៩៧ ករណី ករណីស្លាប់សរុបចំនួន ៣១៣៦ នាក់។មនុស្សចំនួន ១៦៩៨២ នាក់ដែលបានទាក់ទងជិតស្និទ្ធជាមួយអ្នកឆ្លងជំងឺកំពុងទទួលការសង្កេតវេជ្ជសាស្រ្ត៕