ក្នុងរយៈពេលប៉ុន្មានថ្ងៃកន្លងមក វិធានការដ៏ខ្លាំងក្លានិងលទ្ធផលវិជ្ជមានក្នុងការប្រយុទ្ធប្រឆាំងនឹងការរាតត្បាតនៃជំងឺ Covid-19របស់ប្រទេសចិន បានទទួលការចាប់អារម្មណ៍យ៉ាងខ្លាំងពីឥស្សរជនមកពីគ្រប់មជ្ឈដ្ឋាននៃសហគមន៍អន្តរជាតិ។ពួកគេជឿជាក់ជាទូទៅថា ប្រទេសចិនបានបង្ហាញពីទំនួលខុសត្រូវរបស់ខ្លួនក្នុងនាមជាប្រទេសធំដែលមានទំនួលខុសត្រូវនិងបានបង្កើតគំរូថ្មីសម្រាប់បណ្តាប្រទេសដទៃទៀតក្នុងការប្រយុទ្ធប្រឆាំងនឹងការរីករាលដាលនៃជំងឺ។ការាតត្បាតនៃជំងឺ Covid-19 គឺជាបញ្ហាប្រឈមជាទូទៅមួយដែលមនុស្សជាតិប្រឈមមុខ ហើយបណ្តាប្រទេសនានាគួរតែពួតដៃជាមួយគ្នាដើម្បីប្រយុទ្ធប្រឆាំងនឹងជំងឺនេះ។
អនុរដ្ឋមន្រ្តីក្រសួងសុខាភិបាលអេក្វាទ័របានថែ្លងថា វិធានការបង្ការនិងគ្រប់គ្រងរបស់ចិនមានលក្ខណៈទាន់ពេលវេលា រឹងមាំនិងប្រសិទ្ធភាពខ្ពស់ ហើយបទពិសោធន៍របស់ចិនក្នុងរបៀបដោះស្រាយវិបត្តិសុខភាពសាធារណៈទ្រង់ទ្រាយធំ គឺមានតម្លៃគួរឱ្យរៀនសូត្រ។
ឥស្សរជនមកពីគ្រប់មជ្ឈដ្ឋាននៃសហគមន៍អន្តរជាតិជឿជាក់ថា ការរីករាលដាលនៃជំងឺ Covid-19 គឺជាបញ្ហាប្រឈមរួមមួយសម្រាប់មនុស្សជាតិ ហើយបណ្តាប្រទេសនានាគួរតែរួមសហការគ្នាដើម្បីប្រយុទ្ធប្រឆាំងនឹងជំងឺនេះ។
លោក Rashid Ghannouchi ប្រធានសភាទុយណេស៊ីបានថែ្លងថា សកម្មភាពប្រយុទ្ធប្រឆាំងនឹងជំងឺ Covid-19 របស់ប្រទេសចិនមានការរីកចម្រើនឥតឈប់ឈរ ហើយកិច្ចខិតខំប្រឹងប្រែងរបស់ប្រជាជនចិនចំពោះការនេះ គួរឱ្យកោតសរសើរ។ជំងឺ Covid-19 គឺជាសត្រូវរួមរបស់មនុស្សជាតិទាំងអស់ ហើយទុយណេស៊ីរីករាយរួមសហការយ៉ាងជិតស្និទ្ធជាមួយប្រទេសចិនដើម្បីប្រយុទ្ធប្រឆាំងនឹងការរីករាលដាលនៃជំងឺនេះ។