អ្នកសារព័ត៌មានបានដំណឹងពីសន្និសីទសារព័ត៌មាន ស្តីពីយន្តការរួមគ្នាបង្ការនិងគ្រប់គ្រងនៃក្រុមប្រឹក្សាកិច្ចការរដ្ឋចិនកាលពីថ្ងៃទី ៨ ខែមីនាបានឱ្យដឹងថា ស្ថាប័នមានពាក់ព័ន្ធ ដូចជាគណៈកម្មាធិការសុខាភិបាលជាតិចិនជាដើម បានជំរុញការអនុវត្តវិធានការការពារនិងថែទាំបុគ្គលិកពេទ្យ នៅតំបន់នានាជាបន្តបន្ទាប់ ក៏ដូចជាសកម្មជំរុញឱ្យបង្កើតយន្តការយូរអង្វែង ដើម្បីការពារនិងថែទាំបុគ្គលិកពេទ្យ នៅតាមតំបន់នានា ។
លោកDuanyong អនុប្រធាននាយកដ្ឋានធនធានមនុស្សនៃគណៈកម្មាធិការសុខាភិបាលជាតិចិន បានថ្លែងក្នុងសន្និសីទសារព័ត៌មានថា ក្រុមដឹកនាំការងារទប់ទល់ជំងឺCovid-19 នៃមជ្ឈិម បានប្រកាសសេចក្តីជូនដំណឹងស្តីពីការអនុវត្ត ដោយគ្រប់ជ្រុងជ្រោយនូវវិធានការមួយចំនួន ដើម្បីការពារ ថែទាំ និងយកចិត្តទុកដាក់បន្ថែមទៀតដល់បុគ្គលិកពេទ្យ ដោយបានដាក់ចេញនូវវិធានការចំនួន ១០ ក្នុងនោះរាប់បញ្ចូលទាំង ប្រាក់បៀវត្សរ៍ជាដើម ។ បន្ទាប់ពីឯកសារត្រូវបានប្រកាស តំបន់នានាបានឆ្លើយតបជាវិជ្ជមាន និងបានដាក់ចេញឯកសារពាក់ព័ន្ធផងដែរ ៕
