អង្គការសុខភាពពិភពលោកបានថ្លែងកាលពីថ្ងៃទី ៨ ខែមីនាថា គិតត្រឹមម៉ោង ១៧ ថ្ងៃទី ៨ ខែមីនាតាមម៉ោងតំបន់ តាមទិន្និន័យនៃបណ្តាប្រទេសនានាបានបង្ហាញថា ប្រទេសនិងតំបន់ក្រៅពីប្រទេសចិនចំនួន ១០១ បានរងផលប៉ះពាល់ពីជំងឺCOVID-19។ ករណីជំងឺCOVID-19ថ្មីក្រៅពីប្រទេសចិនបានកើនឡើងចំនួន ៣៦១០ នាក់ សរុបមានចំនួន ២៤៧២៧ ករណី ។ ករណីស្លាប់បានកើនជាង ៧១ នាក់ សរុបមាន ៤៨៤ ករណី ។
ក្រសួងទប់ទល់នឹងជំងឺឆ្លងមជ្ឈិមកូរ៉េខាងត្បូងបានប្រកាសកាលពីព្រឹកថ្ងៃទី ៩ ខែមីនាថា ពីម៉ោង ១៦ ថ្ងៃទី ៨ រហូតដល់ម៉ោង ០ ថ្ងៃទី ៩ ខែមីនាតាមម៉ោងក្នុងតំបន់ ករណីជំងឺCOVID-19ថ្មីនៃកូរ៉េខាងត្បូង បានកើនឡើង ៦៩ នាក់ ករណី COVID-19សរុបឡើងដល់ចំនួន ៧៣៨២ ។
ក្រសួងសុខាភិបាលអ៊ីរ៉ង់បានប្រកាសថា គិតត្រឹមថ្ងៃត្រង់ ថ្ងៃទី ៨ ខែមីនាតាមម៉ោងក្នុងតំបន់ ក្នុងរយៈពេល ២៤ ម៉ោងកន្លងទៅនេះ ករណីCOVID-19 ថ្មីនៃប្រទេសអ៊ីរ៉ង់បានកើនឡើងដល់៧៤៣ នាក់ ករណីជំងឺCOVID-19 សរុបបានឡើងដល់ ៦៥៦៦ នាក់ ក្នុងនោះមានករណីស្លាប់សរុប ១៩៤ នាក់ ។
តាមទិន្និន័យថ្មីបំផុតនៃក្រសួងសុខាភិបាលអ៊ីតាលីដែលបានប្រកាសនៅម៉ោង ១៨ ថ្ងៃទី ៨ ខែមីនាតាមម៉ោងក្នុងតំបន់បង្ហាញថា ករណីCOVID-19 នៃប្រទេសអ៊ីតាលីកាលនោះមាន ៦៣៨៧ នាក់ ក្នុងនោះមានករណីស្លាប់ ៣៦៦ នាក់ ករណីជាសះស្បើយឡើងវិញចំនួន ៦២២ នាក់ ករណីCOVID-19សរុបចំនួន ៧៣៧៥ នាក់ ។
តាមទិន្នន័យនៃស្ថានីយទូរទស្សន៍ NHK ប្រទេសជប៉ុនកាលពីថ្ងៃទី ៨ ខែមីនាបានបង្ហាញថា គិតត្រឹមម៉ោង ១០ យប់ថ្ងៃទី ៨ ខែមីនាតាមម៉ោងតំបន់ ករណីCOVID-19 ដែលត្រូវបានវិនិច្ឆ័យបញ្ជាក់ថ្មីនៃប្រទេសជប៉ុនកាលពីថ្ងៃដដែលនោះបានកើនឡើង ៣៣ នាក់ ។ ករណីCOVID-19 នៃប្រទេសជប៉ុនសរុបបានឡើងដល់ ៤៩៤ នាក់ ករណីស្លាប់ ១៤ នាក់ ៕
