តំបន់នានាទូទាំងប្រទេសចិនកំពុងធ្វើការបង្ការនិងគ្រប់គ្រងការរាតត្បាតនៃជំងឺឆ្លងយ៉ាងម៉ឺងម៉ាត់ ព្រមពេលជាមួយគ្នា ក៏បានជំរុញការបំពេញការងារនិងផលិតកម្មឡើងវិញនៃសហគ្រាសដោយគ្រប់ជ្រុងជ្រោយតាមរយៈពង្រឹងសេវាកម្មនិងការគំាំទ្រផ្នែកគោលនយោបាយផងដែរ។
ដើម្បីឆ្លើយតបទៅនឹងបញ្ហានៃការកាត់បន្ថយពន្ធនិងបន្ធូរបន្ថយភាពលំបាកនៃសហគ្រាស ទីក្រុងសៀងហៃបានដាក់ចេញគោលនយោបាយផ្តល់ភាពអនុគ្រោះដល់សហគ្រាសចំនួន២៨មាត្រា ហើយឈរនៅគោលនយោបាយទាំងនេះបានផ្តល់ការណែនាំប្រតិបត្តិជាក់ស្តែងដើម្បីជួយសហគ្រាសទប់ទល់នឹងជំងឺឆ្លង អាចបំពេញការងារនិងផលិតកម្មឡើងវិញនិងអភិវឌ្ឍន៍ដោយស្ថិរភាព។
ដើម្បីធានាសម្រេចឱ្យបាននូវភារកិច្ចនិងគោលដៅអភិវឌ្ឍន៍សេដ្ឋកិច្ចនិងសង្គមឆ្នាំ២០២០ ខេត្តGuangdong និងទីក្រុងGuangzhouបានដាក់ចេញវិធានការចំនួន៤៨ក្នុងការគាំទ្រដល់ឧស្សាហកម្មដូចជារថយន្តផលិតកម្មនិងសេដ្ឋកិច្ចឌីជីថលជាដើមដែលត្រូវបានគេរំពឹងថា អាចកាត់បន្ទុកសម្រាប់សហគ្រាស៨ម៉ឺន៣ពាន់លានយាន់ប្រាក់ចិនជាអតិបរមា។
គណៈកម្មាធិការអភិវឌ្ឍន៍និងកំណែទម្រង់ជាតិចិនបានបង្ហាញកាលពីថ្ងៃទី៨ខែមីនាថា អត្រាដំណើរការឡើងវិញនៃការដឹកជញ្ជូនអន្តរជាតិតាមផ្លូវដែករវាងចិននិងអឺរ៉ុបឈានដល់៩០%។
គិតត្រឹមចុងខែកុម្ភៈ បានដំណើរការរថភ្លើងដឹកជញ្ជូនអន្តរជាតិរវាងចិននិងអឺរ៉ុបចំនួន១១៣២ កើនឡើង៦%ធៀបនឹងរយៈពេលដូចគ្នាឆ្នាំ២០១៩។ នៅជំហានបន្ទាប់ ប្រទេសចិននឹងដាក់ចេញវិធានការពាក់ព័ន្ធដើម្បីជំរុញការដឹកជញ្ជូនអន្តរជាតិតាមផ្លូវដែករវាងចិននិងអឺរ៉ុបឱ្យដំណើរការប្រកបដោយសុវត្ថិភាព ស្ថិរភាពនិងមានប្រសិទ្ធភាព។៕
