កាលពីថ្ងៃទី ២៩ ខែកុម្ភៈ តាមម៉ោងនៅក្នុងតំបន់ លោកត្រាំ ប្រធានាធិបតីអាមេរិកបានធ្វើសន្និសីទសារព័ត៌មាននៅសេតវិមាន។លោកត្រាំ បានវាយតម្លៃជាវិជ្ជមានពីកិច្ចខិតខំប្រឹងប្រែងរបស់រដ្ឋាភិបាលចិនក្នុងការទប់ស្កាត់នឹងការរាតត្បាតនៃជំងឺ Covid-19 ប្រកបដោយប្រសិទ្ធភាពព្រមទាំងស្វែងរកកិច្ចសហប្រតិបត្តិការ។
អំឡុងពេលឆ្លើយសំណួររបស់អ្នកសារព័ត៌មាន លោកត្រាំ បានថែ្លងថា រដ្ឋាភិបាលអាមេរិកតែងតែរក្សានូវទំនាក់ទំនងយ៉ាងជិតស្និទ្ធជាមួយប្រទេសចិន។លោកត្រាំ បានបន្តថា ខ្លួនលោកផ្ទាល់ព្រមទាំងលោក ស៊ីនជីនភីង ប្រធានរដ្ឋចិនរំពឹងថា ជំងឺនេះអាចបញ្ចប់ក្នុងពេលឆាប់ៗនេះ។ប្រទេសចិនបានទទួលការរីកចម្រើនយ៉ាងខ្លាំងក្នុងការបង្ការនិងគ្រប់គ្រងជំងឺនេះ ហើយនាពេលបច្ចុប្បន្ននេះ សហរដ្ឋអាមេរិកកំពុងពិចារណាយកវិធានការរបស់ចិនមួយចំនួនដើម្បីប្រយុទ្ធប្រឆាំងនឹងការរីករាលដាលនៃជំងឺ Covid-19 ៕