គិតត្រឹមថ្ងៃទី២៩ខែកុម្ភៈតាមម៉ោងតំបន់ អ៊ីរ៉ង់មានអ្នកជំងឺ COVID-19 ចំនួន៥៩៣នាក់ ក្នុងនោះ ចំនួន១២៣នាក់បានជាសះស្បើយ និង៤៣នាក់បានស្លាប់បាត់បង់ជីវិត ។ ថ្ងៃដដែល មានអ្នកឆ្លងថ្មីចំនួន២០៥នាក់ ក្នុងនោះ រួមមានតំណាងរាស្ត្រនៃសភាអ៊ីរ៉ង់ចំនួនពីរនាក់ផងដែរ ។
តាមការផ្សាយនៃស្ថានីយទូរទស្សន៍ជាតិអ៊ីរ៉ង់កាលពីថ្ងៃទី២៨ខែកុម្ភៈបានឱ្យដឹងថា លោក Saeed Namaki រដ្ឋមន្ត្រីក្រសួងសុខាភិបាលអ៊ីរ៉ង់បានថ្លែងថា យោងតាមទិន្នន័យបង្ហាញថា នៅសប្តាហ៍ក្រោយនេះគឺជារយៈពេលនៃការផ្ទុះជំងឺឆ្លងក្នុងកម្រិតខ្លាំងរបស់អ៊ីរ៉ង់ ។ អំពីការនេះ ផ្នែកនានារបស់អ៊ីរ៉ង់សុទ្ធតែបានធ្វើការត្រៀមយ៉ាងសកម្ម ។
ក្រសួងសុខាភិបាលអ៊ីរ៉ង់បានអំពាវនាវម្តងទៀតដល់ប្រជាជនឱ្យកាត់បន្ថយការធ្វើដំណើរនិងគោរពតាមការដាស់តឿនអំពីការបង្ការជំងឺឆ្លង ។
បន្ទាប់ពីស្ថានទូតចិនប្រចាំនៅអ៊ីរ៉ង់បានរួមវិភាគទានម៉ាសចំនួន២សែន៥ម៉ឺននិងប្រអប់ថ្នាំតេស្តអាស៊ីតនុយក្លេអ៊ែរសម្រាប់មនុស្សចំនួន៥០០០នាក់ដល់អ៊ីរ៉ង់កាលពីថ្ងៃទី២៥និងថ្ងៃទី២៦ខែកុម្ភៈកន្លងមក កាលពីថ្ងៃទី២៩ខែកុម្ភៈ ក្រុមវេជ្ជបណ្ដិតចិនបាននាំសម្ភារៈព្យាបាលជំងឺដែលផ្តល់ដោយភាគីចិនទៅដល់ក្រុងតេហេរ៉ង់ ។ មន្ត្រីក្រសួងសុខាភិបាលអ៊ីរ៉ង់បានថ្លែងអំណរគុណចំពោះភាគីចិនដែលផ្តល់សម្ភារៈព្យាបាលជំងឺនិងបច្ចេកទេសចំពោះអ៊ីរ៉ង់ក្នុងគ្រាលំបាកនេះ ។