កាលពីថ្ងៃទី ២៨ ខែកុម្ភៈ លោកAntonioGuterres អគ្គលេខាធិការអង្គការសហប្រជាជាតិបានចេញសេចក្តីថ្លែងការណ៍មួយនៅទីស្នាក់ការទូទៅអង្គការសហប្រជាជាតិថា អង្គការសុខភាពពិភពលោក បានលើកកម្ពស់កម្រិតវាយតម្លៃហានិភ័យនៃជំងឺCovid-19នៅទូទាំងពិភពលោក ដល់កម្រិតខ្ពស់ក្រៃលែង។ ដូច្នេះ ប្រទេសនានា គួរតែត្រៀមឱ្យបានល្អ ដើម្បីបង្ការនិងគ្រប់គ្រងជំងឺCovid-19 ឱ្យបានគ្រប់ជ្រុងជ្រោយ ។
លោកបានសង្កត់ធ្ងន់ថា សត្រូវធំបំផុត នាពេលបច្ចុប្បន្នមិនមែនវីរុសទេ ប៉ុន្តែគឺភាពភ័យខ្លាច ពាក្យចចាមអារ៉ាមនិងការរើសអើង ។ លោកអំពាវនាវដល់ពិភពលោក ឱ្យសាមគ្គីគ្នានិងសហប្រតិបត្តិការគ្នា ហើយប្រទេសទាំងអស់ គួរបំពេញកាតព្វកិច្ចរបស់ខ្លួន ។ បណ្តាប្រទេសនានា ក៏នឹងទទួលបានការគាំទ្រពីអង្គការសហប្រជាជាតិនិងអង្គការសុខភាពពិភពលោកផងដែរ ៕