តាមដំណឹងថ្មីបំផុតនៃនាយកដ្ឋានគ្រប់គ្រងប្រព័ន្ធគមនាគមន៍នៃក្រសួងសន្តិសុខសាធារណៈរបស់ចិនបានឱ្យដឹងថា គិតត្រឹមវេលាម៉ោងសូន្យថ្ងៃទី២៥ខែកុម្ភៈ ក្រៅពីខេត្តហ៊ូបីនិងក្រុងប៉េកាំង ការបិទផ្លូវចរាចរណ៍នៅទូទាំងប្រទេសចិនបានដំណើរការជាប្រក្រតីឡើងវិញ ។ ចំណែកប្រព័ន្ធគមនាគមន៍សម្រាប់ដឹកអ្នកដំណើរនិងដឹកជញ្ជូនទំនិញបានកើនឡើងជាបន្តបន្ទាប់។ សណ្តាប់ធ្នាប់នៃការដឹកជញ្ជូនក្នុងប្រព័ន្ធគមនាគមន៍បានដំណើការល្អដូចមុនឡើងវិញជាបណ្តើរៗ ។
តាមការឧទ្ទេសនាមបានឱ្យដឹងថា ទូទាំងប្រទេសចិនបានលុបចោលប៉ុស្តិ៍ត្រួតពិនិត្យជំងឺឆ្លងនៅលើផ្លូវថ្នល់សរុបចំនួន១ម៉ឺន១ពាន់ ព្រមទាំងបានដំណើរការបើកច្រកចេញចូលសម្រាប់ផ្លូវល្បឿនលឿនដែលបានបិទកន្លងមកឡើងវិញចំនួនជាង១១០០ ។ តាមស្ថិតិនៃការចេញចូលតាមផ្លូវល្បឿនលឿនទូទាំងប្រទេសចិនបានឱ្យដឹងថា កាលពីថ្ងៃទី២៤ខែកុម្ភៈ បរិមាណចេញចូលតាមផ្លូវថ្នល់ល្បឿនលឿនគឺចំនួន១៨លាន៨សែន៤ម៉ឺនលើក ដែលឈានដល់៧៥,២ភាគរយនៃរយៈពេលដូចគ្នាកាលពីឆ្នាំមុន៕
