កាលពីថ្ងៃទី២៧ខែកុម្ភៈ លោកZhaoLijian អ្នកនាំពាក្យនៃក្រសួងការបរទេសចិនបានថ្លែងក្នុងសន្និសីទកាសែតជាប្រចាំថា ប្រទេសចិនតាមដានយ៉ាងដិតដល់នូវការវិវឌ្ឍន៍នៃជំងឺ Covid-19 ក្នុងប្រទេសកូរ៉េខាងត្បូងនិងជប៉ុន។ ប្រទេសចិនសូមថ្លែងអំណរគុណយ៉ាងជ្រាលជ្រៅចំពោះការគាំទ្រនិងជំនួយដែលរដ្ឋាភិបាលនិងប្រជាជនប្រទេសទាំងពីរកូរ៉េខាងត្បូងនិងជប៉ុនបានផ្តល់ឱ្យប្រទេសចិនសម្រាប់ទប់ទល់នឹងការរាតត្បាតនៃជំងឺឆ្លង។ប្រទេសចិន ជប៉ុននិងកូរ៉េខាងត្បូងជាប្រទេសជិតខាងដ៏មេត្រីភាព។ ប្រទេសចិននឹងមិនអវត្តមានឡើយក្នុងការខិតខំប្រឹងប្រែងទប់ស្កាត់នឹងជំងឺឆ្លងរបស់ប្រទេសកូរ៉េខាងត្បូងនិងជប៉ុន។
លោកបន្តថា ក្នុងសភាពការណ៍នាពេលបច្ចុប្បន្ន ប្រទេសចិននឹងពង្រឹងនិងធ្វើឱ្យល្អពេញលេញនូវយន្តការបន្ទាន់ក្នុងការសម្របសម្រួលនិងទាក់ទងគ្នា ការពារសុខភាពនិងបង្ការការរាតត្បាតនៃជំងឺ។ ជាមួយគ្នានេះ បង្កើនការផ្លាស់ប្តូរព័ត៌មាន បទពិសោធ និងបច្ចេកទេសពាក់ព័ន្ធ ដើម្បីទប់ស្កាត់ជំងឺឆ្លង ។ បន្ថែមពីនេះទៀត ធ្វើកិច្ចសហប្រតិបត្តិការក្នុងវិស័យព្យាបាលជំងឺ ការស្រាវជ្រាវនិងផលិតឱសថនិងវ៉ាក់សាំង ព្រមទាំងរួមគ្នាធ្វើការបង្ការនិងគ្រប់គ្រងជាមួយប្រទេសទាំងពីរ ។ជាពិសេសពង្រឹងនូវវិធានការបង្ការនិងគ្រប់គ្រងនៅច្រកចេញចូលគយនិងកាត់បន្ថយដំណើរទស្សនកិច្ចឆ្លងដែនដែលមិនចាំបាច់នានា៕
