លោក Mike Pompeo រដ្ឋមន្ត្រីការបទេសអាមេរិកបានថ្លែងក្នុងសន្និសីទស្តីពីសន្តិសុខក្រុង Munich កាលពីពេលថ្មីៗនេះថា “ ភាពបរាជ័យនៃសម្ព័ន្ធអន្តរអាត្លង់ទិក ត្រូវបាននិយាយបំផ្លើស ។ បស្ចិមប្រទេស កំពុងទទួលបានភាពជោគជ័យ ។ យើងកំពុងទទួលបានភាពជោគជ័យជាសមូហភាព ” ។ ប៉ុន្តែ កាលពីពេលថ្មីៗនេះ កាសែត« The Guardian» ប្រទេសអង់គ្លេសបានចុះផ្សាយអត្ថបទមួយដោយបានបញ្ជាក់ថា ប្រសាសន៍របស់លោក Mike Pompeo បែបនេះ គឺមិនមែនជាការពិតឡើយ ។ តាមពិត រវាងអាមេរិកនិងអង់គ្លេសមិនដែលទទូលបានភាពជោគជ័យជាសមូហភាពទេ ។ ផ្ទុយទៅវិញ បែរជាមិនជឿទុកចិត្តគ្នាទៅវិញនោះទេ ។
អត្ថបទនេះបានលើកយកទឡ្ហីករណ៍ចំនួនពីរ ទី១ អង់គ្លេសនិងអាមេរិកប្រកាន់អាកប្បកិរិយាផ្ទុយគ្នាចំពោះបញ្ហា5G នៃក្រមហ៊ុនHuawei ។ ទីពីរ កិច្ចជំនួបមេដឹកនាំរវាងប្រទេសទាំងពីរ ដែលនឹងប្រារព្ធឡើងនៅចុងខែមីនាតាមការណាត់ ត្រូវបានលុបចោល ។ អត្ថបទនេះបានបញ្ជាក់ថា ក្រុងវ៉ាស៊ីនតោន មិនត្រឹមតែ បានប្រើប្រាស់គ្រប់មធ្យោបាយទាំងអស់ដើម្បីរារាំងដល់ការអភិវឌ្ឍនៃឧស្សាហកម្មផ្នែកបច្ចេកវិទ្យាខ្ពស់របស់ចិនប៉ុណ្តោះទេ ថែមទាំងចង់បំផ្លាញដល់ផលប្រយោជន៍របស់ប្រទេសផ្សេងទៀត ។ ទំនាក់ទំនងរវាងអាមេរិកនិងមហាដីគោកអឺរ៉ុបក៏ដូចគ្នាផងដែរ ។ដូច្នេះអាចនិយាយបានថា ដើម្បីសម្រេចបាននូវផលប្រយោជន៍របស់«អាមេរិកជាអាទិភាព»នោះ អាមេរិកអាចនឹងដំឡើងពន្ធគយដោយឯកតោភាគីទៅលើប្រទេសជាដៃគូពាណិជ្ជកម្មនៅអឺរ៉ុប។
រដ្ឋាភិបាលអាមេរិកអាណត្តិមួយនេះគិតថា ពិភពលោកទាំងមូល គិតតែការទាញយកផលចំណេញពីអាមេរិកប៉ុណ្ណោះ ។ តាមពិត អ្នកនយោបាយអាមេរិកមួយចំនួន បានលង់ខ្លួនក្នុងអំនួតនិងគិតតែផលប្រយោជន៍ផ្ទាល់ខ្លួន ។ ហេតុដូច្នេះ អាមេរិកក៏បានដើរតាមផ្លួវគិតតែផលប្រយោជន៍ផ្ទាល់ខ្លួនរហូតមក៕
