កាលពីថ្ងៃទី២៦ខែកុម្ភៈ លោក Tedros Adhanom Ghebreyesus អគ្គលេខាធិការអង្គការសុខភាពពិភពលោកបានថ្លែងក្នុងសន្និសីទរាយការណ៍សង្ខេបអំពីសភាពការណ៍ជំងឺឆ្លងដែលបើកធ្វើនៅក្រុងហ្សឺណែវថា សភាពការណ៍ជំងឺឆ្លងរបស់ចិនបានឡើងដល់កម្រិតខ្ពស់បំផុតគិតចាប់ពីថ្ងៃទី២៣ខែមករាដល់ថ្ងៃទី២ខែកុម្ភៈ ហើយបន្ទាប់មកបានធ្លាក់ចុះជាបន្តបន្ទាប់ ។ ស្ថានការណ៍ជំងឺឆ្លងទូទាំងពិភពលោកមានសញ្ញាវិជ្ជមានមួយចំនួន ដែលអាចបង្ហាញថា វីរុសអាចគ្រប់គ្រងបាន ។ ប៉ុន្តែប្រទេសនានា នៅតែត្រូវការបង្កើនការបង្ការនិងគ្រប់គ្រង ក៍ដូចជា ខិតខំប្រឹងប្រែង ដើម្បីចៀសវាងកុំឱ្យមានការរាតត្បាតទ្រង់ទ្រាយធំ៕