នាពេលថ្មីៗនេះ ក្រោមការគាំទ្រនិងឧបត្ថម្ភជាបន្តបន្ទាប់ សហគ្រាសទុនបរទេសនៅតំបន់នានាទូទាំងប្រទេសចិនបានដំណើរការផលិតកម្មឡើងវិញដោយមានសណ្តាប់ធ្នាប់ ហើយសហគ្រាសទុនបរទេសថ្មីនិងគម្រោងថ្មីៗកំពុងអនុវត្តនៅប្រទេសចិន។
នាពេលថ្មីៗនេះ សហគ្រាសជាបុត្រសម្ព័ន្ធរបស់ក្រុមហ៊ុនពហុជាតិជាច្រើនដែលបានតាំងមូលដ្ឋាននៅខេត្ត Jiangsu ប្រទេសចិន ដូចជាក្រុមហ៊ុន BSH Honeywell LG Chemical Philips Schneider Electric ជាដើម បានដំណើរការផលិតកម្មរបស់ខ្លួនឡើងវិញហើយ។អត្រានៃដំណើរការផលិតកម្មឡើងវិញរបស់សហគ្រាសសំខាន់ៗ គឺ ប្រហែល ៧០ ភាគរយ ខណៈទីស្នាក់ការទូទៅប្រចាំនៅតំបន់របស់ក្រុមហ៊ុនពហុជាតិបានដំណើរការផលិតកម្មឡើងវិញ ៩៣ ភាគរយ។
ក្រសួងពាណិជ្ជកម្មចិនបានបញ្ជាក់កាលពីពេលថ្មីៗនេះថា ប្រទេសចិននឹងធានាឱ្យខ្សែសង្វាក់ផ្គត់ផ្គង់ទូទាំងពិភពលោករក្សាស្ថិរភាពមុនគេ។សហគ្រាសទុនបរទេសជាច្រើនប្រចាំនៅប្រទេសចិនបានបញ្ជាក់ថា រដ្ឋាភិបាលចិនបានដាក់ចេញនូវគោលនយោបាយគាំទ្រមួយចំនួនបានទាន់ពេលវេលាដែលបានពង្រឹងជំនឿចិត្តរបស់ពួកគេចំពោះទីផ្សារចិន៕