សៀវភៅក្រោមចំណងជើងថា « ប្រទេសធំប្រយុទ្ធនឹងជំងឺឆ្លង-- តាមដានការប្រយុទ្ធនឹងជំងឺឆ្លង Covid-19 របស់ប្រទេសចិនឆ្នាំ2020 »បានបោះពុម្ពផ្សាយកាលពីពេលថ្មីៗនេះ ក្រោមការណែនាំនិងរៀបចំដោយក្រសួងឃោសនាការមជ្ឈិមបក្សកុម្មុយនិស្តចិន និងការិយាល័យព័ត៌មាននៃក្រុមប្រឹក្សាកិច្ចការរដ្ឋចិន។
សៀវភៅនេះត្រូវបានរៀបរៀងឡើង តាមរបៀបបទវិភាគនិងសេចក្តីរាយការណ៍កម្រិតស៊ីជម្រៅ ដោយណែនាំជាបន្តអំពីការងារដំណាក់កាលនីមួយៗរបស់ចិនក្នុងការបង្ការនិងគ្រប់គ្រងជំងឺឆ្លងCovid-19 ក្នុងបំណងបង្ហាញនូវទំនុលខុសត្រូវដើម្បីប្រជាជនរបស់លោក ស៊ី ជីនភីង អគ្គលេខាធិការមជ្ឈិមបក្សកុម្មុយនិស្តចិន ណែនាំដោយគ្រប់ជ្រុងជ្រោយអំពីការរួមចិត្តរួមថ្លើមជាធ្លុងមួយរបស់ប្រជាពលរដ្ឋចិន ក្រោមការដឹកនាំនៃមជ្ឈិមបក្សកុម្មុយនិស្តចិន ដើម្បីយកឈ្នះនឹងជំងឺឆ្លងCovid-19 បង្ហាញពីឧត្តមភាពនៃរបបសង្គមនិយមលក្ខណៈពិសេសចិននិងការដឹកនាំនៃបក្សកុម្មុយនិស្តចិន បង្ហាញពីកិច្ចសហប្រតិបត្តិការដ៏វិជ្ជមានរវាងចិននិងសហគមន៍អន្តរជាតិ ក៏ដូចជាការរួមគ្នាថែរក្សាសន្តិសុខនិងសុខាភិបាលសាធារណក្នុងតំបន់និងពិភពលោក។ អក្សរនៃសៀវភៅនេះមានចំនួនជាង ១ សែន អក្សរ ដែលបានរៀបរាប់ដោយសត្យានុម័តនូវការពិតអំពីការបង្កានិងគ្រប់គ្រងជំងឺឆ្លង Covid-19របស់ចិន ប្រកបដោយមានប្រសិទ្ធិភាពខ្ពស់និងជាបន្ទាន់។
សូមបញ្ជាក់ថា សៀវភៅនេះត្រូវបានបកប្រែជាច្រើនភាសា ក្នុងនោះសៀវភៅជាភាសាអង់គ្លេស បារាំង អេស្ប៉ាញ រុស្ស៊ី និងអារ៉ាប់នឹងចេញលក់ជាបន្តបន្ទាប់នាពេលខាងមុខនេះ ៕