បន្ទាប់ពីបញ្ចប់ការងារត្រួតពិនិត្យរយៈពេល ៩ ថ្ងៃនៅប្រទេសចិន ក្រុមអ្នកជំនាញចម្រុះចិននិងអង្គការសុខភាពពិភពលោកបានធ្វើសន្និសីទសារព័ត៌មាននៅក្រុងប៉េកាំងកាលពីថ្ងៃទី ២៤ ខែកុម្ភៈ ដើម្បីបង្ហាញអំពីសភាពការណ៍ ។ ប្រធានភាគីបរទេសនៃក្រុមត្រួតពិនិត្យបានកោតសរសើរកិច្ចខិតខំប្រឹងប្រែងរបស់ប្រទេសចិនក្នុងការបង្ការនិងគ្រប់គ្រង Covid-19 ដោយបានថ្លែងថា វិធីសាស្ត្ររបស់ប្រទេសចិនត្រូវបានបង្ហាញថា ជាវិធីដ៍ជោគជ័យមួយ។
លោក Bruce Aylward ប្រធានភាគីបរទេសនៃក្រុមត្រួតពិនិត្យ និងជាទីប្រឹក្សាជាន់ខ្ពស់នៃប្រធានអង្គការសុខភាពពិភពលោកបានថ្លែងថា តាមរយៈការត្រួតពិនិត្យដ៏ល្អិតល្អន់និងជាច្រើនផ្នែក ក្រុមត្រួតពិនិត្យបានកត់សម្គាល់ថា គ្មានអ្វីគួរឱ្យសង្ស័យនោះទេ វិធានការដ៏ក្លាហានរបស់ប្រទេសចិនក្នុងការបង្ការនិងគ្រប់គ្រង់មេរោគថ្មីបែបនេះបានទប់ស្កាត់និន្នាការរីករាលដាលដ៏លឿននៃជំងឺនេះ ។ ករណីរកឃើញឆ្លងជំងឺនេះគឺ ៤១៦ នាក់ក្នុងថ្ងៃទី ២៤ ខែកុម្ភៈ បានថយចុះ ៨០ ភាគរយក្នុងរយៈពេល ២ សប្តាហ៍ ហើយតួលេខនេះគឺពិតប្រាកដ ។
លោក Bruce Aylward ថ្លែងថា យើងវាយតម្លៃថា វិធីសាស្ត្រទប់ទល់នឹងជំងឺដែលរដ្ឋាភិបាលនិងសង្គមទាំងមូលបានអនុវត្ត គឺបានបង្វែរនិន្នាការរីករាលដាលនៃជំងឺ និងបានទប់ស្កាត់មិនឱ្យលេចចេញករណីថ្មីរាប់ម៉ឺនករណី នេះជាស្នាដៃដ៍អស្ចា្យដែលមានសារសំខាន់យ៉ាងក្រៃលែង ៕
