ពីថ្ងៃទី២២ដល់ថ្ងៃទី២៣ខែកុម្ភៈ ក្រុមត្រួតពិនិត្យចម្រុះនៃអ្នកជំនាញខាង COVID-19 រវាងចិននិងអង្គការសុខភាពពិភពលោកបានចុះទៅពិនិត្យនិងស្រាវជ្រាវនៅខេត្ត Hubeiដោយបានទៅទស្សនាមន្ទីរពេទ្យបណ្តោះអាសន្ននិងធ្វើការផ្លាស់ប្តូរទស្សនៈគ្នាស្តីពីសភាពការណ៍បង្ការនិងគ្រប់គ្រង ព្រមទាំងព្យាបាលជំងឺជាដើម ។
លោក Ma Xiaowei ប្រធាននៃគណៈកម្មាធិការសុខាភិបាលនិងសុខភាពជាតិចិនបានរំលឹកឡើងវិញថា ប្រទេសចិនបានចាត់វិធានការដ៏ខ្លាំងក្លាដើម្បីធានាសុវត្ថិភាពសុខភាពសាធារណៈនៅទូទាំងពិភពលោក ។ ប្រទេសចិនមានទំនុកចិត្តនិងប្តេជ្ញាចិត្តក្នុងការយកឈ្នះលើជំងឺឆ្លងនេះ ព្រមទាំងនឹងបន្តគោរពតាមសំណូមពរនិងការណែនាំរបស់មជ្ឈិមបក្សកុម្មុយនិស្តចិន ស្តីពីការបង្ការនិងគ្រប់គ្រងជំងឺឆ្លងក៍ដូចជាបន្តការអភិវឌ្ឍសេដ្ឋកិច្ចនិងសង្គម ។ ភាគីចិននឹងបង្កើនកិច្ចសហប្រតិបត្តិការជាមួយអង្គការសុខភាពពិភពលោកថែមទៀត៕
