យោងតាមការកំណត់របស់ប្រទេសចិន និងដោយឈរលើមូលដ្ឋានលទ្ធផលនៃការងារបង្កានិងគ្រប់គ្រង Covid-19 នាប៉ុន្មានថ្ងៃកន្លងមកនេះ ខេត្តមួយចំនួនរបស់ប្រទេសចិន ដូចជា ខេត្ត Shanxi ខេត្ត Yunnan ខេត្ត Guangdong ខេត្ត Guizhou ខេត្ត Liaoning ខេត្ត Gansu បានទម្លាក់កម្រិតបន្ទាន់នៃការរីករាលដាលនៃ Covid-19 របស់ខ្លួនដោយឡែកពីគ្នា ពីកម្រិតធ្ងន់ធ្ងរខ្លាំងពិសេស មកកម្រិតធម្មតាជាទូទៅវិញ។
សូមបញ្ជាក់ថា ប្រទេសចិនបានកំណត់កម្រិតបន្ទាន់នៃការរីករាលដាលជំងឺឆ្លងជា ៤ ប្រភេទ តាមខ្លឹមសារនៃកម្រិត គ្រោះមហន្តរាយនិងក្របខ័ណ្ឌដែលរងឥទ្ធិពលជាក់ស្តែង រួមមាន ៖ កម្រិតធ្ងន់ធ្ងរខ្លាំងពិសេស ( ថ្នាក់ Ⅰ) , កម្រិតធ្ងន់ធ្ងរ (ថ្នាក់ Ⅱ ) , កម្រិតខ្លាំងបង្គួរ (ថ្នាក់ Ⅲ ) និងកម្រិតធម្មតាទូទៅ (ថ្នាក់ Ⅳ) ៕
