ថ្ងៃទី ២១ ខែកុម្ភៈ តាមម៉ោងក្នុងតំបន់ លោក Tedros អគ្គនាយកអង្គការសុខភាពពិភពលោកបានថ្លែងក្នុងសនិ្នសីទសារព័ត៌មានដែលបើកធ្វើនៅក្រុងហ្សឺណែវថា នឹងគាំទ្រប្រទេសចិនក្នុងការផ្លាស់ប្តូរវិធីផ្តល់ទិន្នន័យស្ថិតិអំពីករណីឆ្លងជំងឺរលាកសួតបង្កដោយវីរុសកូរ៉ូណាថ្មី ពោលគឺលុបចោលការរាប់បញ្ចូលករណីឆ្លងដែលបាននិងកំពុងសម្រាកព្យាបាលក្នុងមន្ទីរពេទ្យនៅខេត្តហ៊ូប៉ី ដោយគ្រាន់តែផ្តល់ទិន្នន័យស្ថិតិអំពីករណីឆ្លងជំងឺនិងករណីសង្ស័យឆ្លងជំងឺ ។
ដើម្បីធ្វើការសម្របសម្រួលឱ្យបានល្អនូវការងារបង្ការនិងគ្រប់គ្រងសភាពការណ៍ជំងឺឆ្លងជាសកល លោក Tedros បានប្រកាសថា អង្គការសុខភាពពិភពលោកនឹងតែងតាំងបេសកជនពិសេសអំពីជំងឺរលាកសួតបង្កដោយកូរ៉ូណាថ្មីចំនួន៦ រួប ដើម្បីផ្តល់សំណើជាយុទ្ធសាស្ត្រដល់ពិភពលោកទាំងមូល ។ លោក Tedros បានគូសបញ្ជាក់ថា បច្ចុប្បន្ន ការគ្រប់គ្រងភាពរីករាលដាលនៃវីរុសនៅទូទាំងពិភពលោកមានភាពកាន់តែតានតឹង លោកអំពាវនាវឱ្យបណ្តាប្រទេសនានាចាត់វិធានការដើម្បីទប់ស្កាត់ការរីករាលដាលជំងឺឆ្លងនេះ ៕