ថ្ងៃទី២១ ខែកុម្ភៈ ការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានបើកសន្និសីទ ដើម្បីសិក្សាស្រាវជ្រាវអំពីការងារបង្ការនិងគ្រប់គ្រងជំងឺរលាកសួតបង្កដោយវីរុសកូរ៉ូណាថ្មី ព្រមនិងចាត់ចែងការងារបង្ការនិងគ្រប់គ្រងជំងឺឆ្លងនិងការងារអភិវឌ្ឍសេដ្ឋកិច្ចនិងក្រោមអធិបតីភាពលោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន។
សន្និសីទបានគូសបញ្ជាក់ថា បន្ទាប់ពីការកើតមានករណីជំងឺរលាកសួតបង្កដោយវីរុសកូរ៉ូណាថ្មី មជ្ឈិមបក្សកុម្មុយនិស្តចិនបានដាក់ចេញជាបន្ទាន់នូវគោលនយោបាយអំពីការបង្ការនិងគ្រប់គ្រងសភាពការណ៍ឆ្លងនៃជំងឺរលាកសួតបង្កដោយវីរុសកូរ៉ូណាថ្មី ធានាឱ្យការងារបង្ការនិងគ្រប់គ្រងជំងឺឆ្លងវិវឌ្ឍទៅដោយមាននិងសណ្តាប់ធ្នាប់និងមានប្រសិទ្ធភាព ទប់ស្កាត់យ៉ាងដាច់ខាតនូវការរីករាលដាលនៃជំងឺឆ្លង។ការងារបង្ការនិងគ្រប់គ្រងជំងឺឆ្លងរបស់ប្រទេសចិនទទួលបានការគាំទ្រជាទូទៅពីសំណាក់សហគមន៍អន្តរជាតិ ដែលបង្ហាញពីបុគ្គលិកលក្ខណៈជាប្រទេសធំដែលមានទំនួលខុសត្រូវ។
សន្និសីទគូសបញ្ជាក់ទៀតថា បច្ចុប្បន្ននេះ និន្នាការរីករាលដាលនៃជំងឺឆ្លងត្រូវបានទប់ស្កាត់ជាជំហានដំបូង ហើយពោលគឺការងារបង្ការនិងគ្រប់គ្រងទទួលបានប្រសិទ្ធភាពជាដំណាក់កាល។ទន្ទឹមនឹងនេះ យើងត្រូវដឹងឱ្យបានច្បាស់ថា ចំណុចរបត់នៃការវិវឌ្ឍនៃករណីជំងឺឆ្លងនៅមិនទាន់ចូលមកដល់នោះទេ ស្ថានការណ៍បង្ការនិងគ្រប់គ្រងជំងឺឆ្លងនៅខេត្តHubeiនិងក្រុងWuhanនៅតែមានភាពស្មុគស្មាញនិងតានតឹងដដែល។ហេតុនេះត្រូវក្តាប់ការងារបង្ការនិងគ្រប់គ្រងជំងឺឆ្លងដោយមិនបន្ធូរដៃ ដើម្បីយកឈ្នះទាំងស្រុងលើការប្រយុទ្ធប្រឆាំងជំងឺឆ្លង។
សន្និសីទគូសបញ្ជាក់ទៀតថា ទោះបីករណីជំងឺរលាកសួតបង្កដោយវីរុសកូរ៉ូណាថ្មីបានជះឥទ្ធិពលយ៉ាងលេចធ្លោដល់ដំណើរការសេដ្ឋកិច្ចក៏ដោយ តែសេដ្ឋកិច្ចរបស់ប្រទេសចិនមានភាពជន់និងសក្តានុពលយ៉ាងធំធេង ពោលគឺនិន្នាការវិវឌ្ឍរីកចម្រើនក្នុងរយៈពេលយូរគឺគ្មានការប្រែប្រួល៕