ថ្ងៃទី ២១ ខែកុម្ភៈ ឆ្នាំ ២០២០ តាមម៉ោងក្នុងតំបន់ ក្នុងសន្និសីទសារព័ត៌មានដែលបានរៀបចំធ្វើនៅក្រុងហ្សឺណែវ លោកTedros Adhanom Ghebreyesuអគ្គនាយកអង្គការសុខភាពពិភពលោកបានថ្លែងពីការគាំទ្រប្រទេសចិនដែលបានផ្លាស់ប្តូរវិធីផ្តល់ទិន្នន័យស្ថិតិអំពីករណីឆ្លងជំងឺរលាកសួតបង្កឡើងដោយវីរុសកូរ៉ូណាប្រភេទថ្មី ពោលគឺលុបចោលការរាប់បញ្ចូលករណីឆ្លងដែលបាននិងកំពុងសម្រាកព្យាបាលក្នុងមន្ទីរពេទ្យនៅខេត្តហ៊ូប៉ី ដោយគ្រាន់តែផ្តល់ទិន្នន័យស្ថិតិអំពីករណីឆ្លងជំងឺនិងករណីសង្ស័យឆ្លងជំងឺ ។
លោក Sylvie Briand មន្រ្តីអង្គការសុខភាពពិភពលោកបានថ្លែងថា អ្វីដែលសំខាន់ជាងការប្រមូលទិន្នន័យគឺសភាពការណ៍នៃការរីករាលដាលនៃជំងឺឆ្លង ។ ឱ្យតែបានយល់ដឹងពីវិធីធ្វើស្ថិតិនៃករណីឆ្លងជំងឺ នោះក៏មានអំណោយផលដល់ការធ្វើសេចក្តីសម្រេចចិត្តប្រសើរជាងគេដើម្បីគាំពារសុខភាពរបស់ប្រជាជន ។
ម្យ៉ាងវិញទៀត ក្នុងគោលបំណងជួយសម្របសម្រួលការងារបង្ការនិងគ្រប់គ្រងជំងឺឆ្លងជាសកលឱ្យបានកាន់តែល្អ លោក Tedros បានប្រកាសថា អង្គការសុខភាពពិភពលោកបានតែងតាំងបេសកជនពិសេសចំនួន ៦ រូប ដើម្បីលើកជាសំណើដែលប្រកបដោយលក្ខណៈយុទ្ធសាស្រ្តសម្រាប់ទប់ទល់នឹងជំងឺCOVID-19 ក្នុងក្របខ័ណ្ឌសកលលោក ។ លោក Tedros បានគូសបញ្ជាក់ទៀតថា បច្ចុប្បន្ន ដំណាក់កាលគន្លឹះសម្រាប់គ្រប់គ្រងការរីករាលដាលនៃជំងឺឆ្លងក្នុងក្របខ័ណ្ឌសកលគឺបានបង្រួមតូចទៅៗ ដូចនេះលោកអំពាវនាវឱ្យបណ្តាប្រទេសចាត់វិធានការដើម្បីទប់ស្កាត់ការរីករាលដាលនៃជំងឺឆ្លង ៕