ថ្ងៃទី ២១ ខែកុម្ភៈ ឆ្នាំ ២០២០ លោកWang Yi សមាជិកក្រុមប្រឹក្សាកិច្ចការរដ្ឋនិងជារដ្ឋមន្រ្តីការបរទេសចិនបានរួមជាមួយលោកThongloun Sisoulith នាយករដ្ឋមន្រ្តីឡាវចូលរួមពិធីផ្តល់ជំនួយរបស់ភាគីឡាវដើម្បីគាំទ្រដល់ប្រទេសចិនក្នុងការប្រយុទ្ធប្រឆាំងនឹងជំងឺរលាកសួតបង្កឡើងដោយវីរុសកូរ៉ូណាប្រភេទថ្មី ។
តាមរយៈការគាំទ្រនិងលើកទឹកចិត្តពីបក្សនិងរដ្ឋាភិបាលឡាវ សមាគមមិត្តភាពឡាវ-ចិនបានរៀបចំធ្វើសកម្មភាពរៃអង្គាសក្នុងក្របខ័ណ្ឌទូទាំងប្រទេស ព្រមនិងទទួលបានប្រតិកម្មតបយ៉ាងសកម្មពីសំណាក់ប្រជាជនឡាវ ដែលទទួលបានការបរិច្ចាគប្រាក់សរុប ៤០ ម៉ឺនដុល្លារអាមេរិកនិងសម្ភារៈបរិក្ខារពេទ្យសម្រាប់បង្ការជំងឺដែលមានតម្លៃស្មើនឹង ១០ ម៉ឺនដុល្លារអាមេរិក ។
ក្នុងពិធីលើកនេះ លោកThonglounនិងលោកWang Yi បានឈរទន្ទឹមគ្នានិងលើកដៃឡើងហើយស្រែកថា “ស៊ូឡើង ក្រុងវ៉ូហាន” “ស៊ូឡើង ប្រទេសចិន” ដើម្បីលើកទឹកចិត្តដល់ប្រទេសចិនក្នុងការប្រយុទ្ធប្រឆាំងនឹងជំងឺឆ្លង ។
លោកThongloun បានលើកឡើងថា ទោះបីជំនួយឧបត្ថម្ភរបស់ភាគីឡាវតិចតួចស្តួចស្តើងក៏ដោយ ប៉ុន្តែនេះជាទឹកចិត្តស្មោះរបស់ប្រជាជនឡាវចំពោះបងប្អូនចិន ជឿជាក់ថា ប្រទេសចិនប្រាកដជាអាចយកឈ្នះលើជំងឺឆ្លងក្នុងពេលឆាប់ៗជាពុំខាន !