ថ្ងៃទី ១៩ ខែកុម្ភៈ ឆ្នាំ ២០២០ លោកWang Yi សមាជិកក្រុមប្រឹក្សាកិច្ចការរដ្ឋនិងជារដ្ឋមន្រ្តីក្រសួងការបរទេសចិនបានជួបពិភាក្សាការងារជាមួយលោក Teodoro Lochen រដ្ឋមន្រ្តីក្រសួងការបរទេសហ្វីលីពីននៅក្រុងវៀងចន្ទន៍ ប្រទេសឡាវ ។
ក្នុងកិច្ចជំនួប លោកWang Yiបានថ្លែងអំណរគុណដល់ប្រទេសហ្វីលីពីនដែលជាប្រទេសសម្របសម្រួលទំនាក់ទំនងរវាងចិននិងអាស៊ានបានធ្វើការងាររៀបចំនិងជួយសម្របសម្រួលយ៉ាងច្រើនសម្រាប់ការបើកធ្វើកិច្ចប្រជុំវិសាមញ្ញរដ្ឋមន្រ្តីការបរទេសលើកនេះ ។ ប្រទេសចិនបានយកចិត្តទុកដាក់ខ្ពស់ចំពោះទំនាក់ទំនងរវាងប្រទេសចិននិងហ្វីលីពីន ដែលនឹងបន្តផ្តល់ការគាំទ្រដល់ហ្វីលីពីនក្នុងការគាំពារផលប្រយោជន៍ស្របច្បាប់របស់ខ្លួនលើឆាកអន្តរជាតិដូចពេលមុនៗដែរ ។
ជាការឆ្លើយតប លោក Teodoro Lochen បានប្រគល់លិខិតសរសេរផ្ទាល់ដៃរបស់លោកDuterte ប្រធានាធិបតីហ្វីលីពីនដើម្បីពាំនាំយកទៅជូនលោកស៊ី ជីនភីង ប្រធានរដ្ឋចិន និងបានថ្លែងថា រដ្ឋាភិបាលនិងប្រជាជនហ្វីលីពីននឹងឈរនៅជាមួយប្រទេសចិននិងប្រជាជនចិនដោយមិនងាករេ ព្រមនិងសូមកោតសរសើរនិងគាំទ្រភាគីចិនដែលបានចាត់វិធានការប្រកបដោយកម្លាំងខ្លាំងក្លាដើម្បីប្រយុទ្ធប្រឆាំងនឹងជំងឺឆ្លង ។ ក្នុងគ្រាលំបាក ប្រទេសហ្វីលីពីននឹងស្ថិតនៅជាមិត្តពិតរបស់ប្រទេសចិន ៕