យន្តការរួមគ្នាស្តីពីការបង្ការនិងគ្រប់គ្រងការរាតត្បាតនៃជំងឺរលាកសួតបង្កដោយវីរុសកូរ៉ូណាប្រភេទថ្មីនៃក្រុមប្រឹក្សាកិច្ចការរដ្ឋចិន បានរៀបចំសន្និសីទកាសែតនៅក្រុងប៉េកាំងនៅព្រឹកថ្ងៃទី១១ខែកុម្ភៈ ។ លោកCongLiangអគ្គលេខាធិការនៃគណៈកម្មាធិការអភិវឌ្ឍន៍និងកំណែទម្រង់ជាតិបានថ្លែងថា វិស័យសំខាន់ៗដែលពាក់ព័ន្ធនឹងសេដ្ឋកិច្ចជាតិនិងជីវភាពរស់នៅរបស់ប្រជាជន ត្រូវតែរៀបចំធ្វើការឡើងវិញជាបន្ទាន់ ។ ចំណែកសង្វាក់ផលិតកម្ម និងការងារវិស្វកម្មសំខាន់ ត្រូវចាប់ផ្តើមដំណើរ ឱ្យបានឆាប់និងទាន់ពេលវេលា។ តំបន់ដែលមានការរីករាលដាលនៃជំងឺឆ្លងធ្ងន់ធ្ងរ និងការងារមិនបន្ទាន់ អាចពន្យារពេល ក្នុងកម្រិតសមរម្យ ។
តាមសេចក្តីរាយការណ៍បានឱ្យដឹងថា ពេលបច្ចុប្បន្ននេះ គ្រប់ខេត្តនិងទីក្រុងនានាទូទាំងប្រទេស ក្រៅពីខេត្តHuBei បាននឹងកំពុងវិលត្រឡប់បំពេញការងារជាប្រក្រតីឡើងវិញ ជាបន្តបន្ទាប់។ ជាពិសេស សហគ្រាសក្នុងវិស័យសំខាន់ៗ ដូចជា សម្ភារៈវេជ្ជសាស្រ្ត ថាមពល ស្បៀងអាហារ គមនាគមន៍និងចរាចរណ៍ទំនិញ បានដំណើរការជាបន្តបន្ទាប់ផងដែរ៕