ចាប់តាំងពីផ្ទុះករណីជំងឺរលាកសួតបង្កដោយវីរុសកូរ៉ូណាប្រភេទថ្មីមក ឥស្សរជនគ្រប់មជ្ឈដ្ឋាននៃហុងកុង បានគាំទ្រយ៉ាងសកម្ម ជាមួយរដ្ឋបាលតំបន់រដ្ឋបាលពិសេសហុងកុង
ក្នុងការទប់ស្កាត់នឹងការរាតត្បាតនៃជំងឺរលាកសួតប្រភេទថ្មី ។ ព្រមពេលជាមួយគ្នានេះ ក៏បានយកចិត្តទុកដាក់ខ្ពស់ ទៅលើការវិវឌ្ឍន៍នៃជំងឺឆ្លងនៅដីគោកចិន ក៍ដូចជា ការងារប្រយុទ្ធប្រឆាំងនឹងជំងឺ ដោយបានស្ម័គ្រចិត្តបរិច្ចាគជាថវិកានិងសម្ភារៈ ដល់ដីគោកចិនតាម គ្រប់រូបភាពនិងគ្រប់មធ្យោបាយ។
យោងតាមស្ថិតិ បានបង្ហាញឱ្យឃើញថា រហូតដល់ថ្ងៃទី១០ខែកុម្ភៈ គ្រប់មជ្ឈដ្ឋាននៃសង្គមហុងកុង បានបរិច្ចាគជាប្រាក់សរុបចំនួនជាង១ពាន់លានយាន់ប្រាក់ចិនដល់ដីគោកចិន ។ ចំណែកអង្គការនិងសមាគមមួយចំនួន ក៍បានទិញបរិក្ខារវេជ្ជសាស្រ្តនិងសម្ភារៈការពារមេរោគ ដូចជា ម៉ាស់ វេនតាការពារ និងសម្លៀកបំពាក់ការពារ ពីបរទេស ដើម្បីប្រគល់ជូនដីគោកចិន សម្រាប់ទប់ទល់នឹងការរាតត្បាតនៃជំងឺ៕
