កាលពីថ្ងៃ ទី៩ខែកុម្ភៈ អ្នកទទួលខុសត្រូវនៃផ្នែកជាច្រើន ដូចជា ផ្លូវដែក អាកាសចរណ៍ស៊ីវិល និងការដឹកជញ្ជូនសាធារណៈ នៃទីក្រុងប៉េកាំងបានថ្លែងថា ពេលបច្ចុប្បន្ននេះ ផ្នែកផ្លូវដែក បានអនុវត្តការពិនិត្យកម្តៅក្នុងរាងកាយរបស់អ្នកដំណើរទាំងអស់ ដែលបានធ្វើដំណើរមកដល់ក្រុងប៉េកាំង ។ ចំណែកផ្នែកអាកាសចរណ៍និងការដឹកជញ្ជូនសាធារណៈ ក៏បានចាត់វិធានការសម្លាប់មេរោគយ៉ាងដិតដល់ផងដែរ។
ក្នុងសន្និសីទកាសែតស្តីពីការងារបង្ការនិងទប់ទល់នឹងការរាតត្បាតនៃជំងឺរលាកសួតប្រភេទថ្មី នៅទីក្រុងប៉េកាំង ដែលបានធ្វើឡើងកាលពីថ្ងៃទី ៨ខែកុម្ភៈ លោកWangYongអនុប្រធាននៃសាខាក្រុមហ៊ុនផ្លូវដែកចិនប្រចាំទីក្រុងប៉េកាំង បានថ្លែងថា ចាប់តាំងពី ចាប់ផ្តើមចូលរួមបង្ការនិងគ្រប់គ្រង់ជំងឺឆ្លងមក ផ្នែកផ្លូវដែករបស់យើង បានអនុវត្តការពិនិត្យកម្តៅក្នុងរាងកាយនៃអ្នកដំណើរទាំងអស់ ដែលបានធ្វើដំណើរមកដល់ទីក្រុងប៉េកាំង ដើម្បីធានាយ៉ាងជាក់លាក់នូវសុវត្ថិភាពជូនអ្នកដំណើរ។
ចំណែកផ្នែកអាកាសចរណ៍ ក្រៅពីយកចិត្តទុកដាក់ លើខ្យល់ចេញចូលនិងសម្លាប់មេរោគ នៅឯអាកាសយន្តដ្ឋានទាំងពីរ គឺអាកាសយន្តដ្ឋានរដ្ឋធានី និងអាកាសយន្តដ្ឋានអន្តរជាតិDaXing ក៍បានយកចិត្តទុកដាក់លើ ការងារពិនិត្យកម្តៅក្នុងរាងកាយរបស់អ្នកដំណើរ ដែលមកពីWuHan ,HuBei ព្រមទាំងអ្នកដំណើរជាតិនិងអន្តរជាតិទាំងអស់ ដែលបានធ្វើដំណើរចាកចេញ តាមដំណាក់កាលនីមួយៗផងដែរ។
ដោយឡែកសម្រាប់ផ្នែកគមនាគមន៍ក្នុងទីក្រុង បានធ្វើការសម្លាប់មេរោគ នៅលើរថយន្តតាកស៊ី រថយន្តទេសចរណ៍ និងរថយន្តក្រុង ចំនួនមិនតិចជាងពីរលើកក្នុងមួយថ្ងៃនោះទេ៕
