ប៉ុន្មានថ្ងៃជាប់ៗមកនេះ អ្នកនយោបាយសំខាន់ៗនៃប្រទេសច្រើននិងថ្នាក់ដឹកនាំនៃអង្គការអន្តរជាតិបានកោតសរសើរតាមទម្រង់ខុសៗគ្នាចំពោះការខិតខំប្រឹងប្រែងរបស់ប្រទេសចិនក្នុងការទប់ទល់នឹងសភាពជំងឺរលាកសួតដោយវីរុសកូរ៉ូណាថ្មី ហើយពោរពេញទៅដោយជំនឿចិត្តចំពោះប្រទេសចិនដែលអាចយកជ័យជម្នះលើសភាពជំងឺលើកនេះ។
ពេលកន្លងទៅថ្មីៗនេះ បក្សកុម្មុយនិស្តអាហ្វ្រិកខាងត្បូងដែលជាសមាជិកសម្ព័ន្ធកាន់អំណាចអាហ្វ្រិកខាងត្បូងបានចេញសេចក្តីថ្លែងការណ៍នៅវេបសាយរបស់ខ្លួនថា ឯកភាពនឹងទង្វើរបស់អង្គការសុខភាពពិភពលោកដែលកោតសរសើរចំពោះការខិតខំប្រឹងប្រែងនិងវិធានការរបស់ប្រទេសចិនក្នុងការទប់ទល់នឹងសភាពជំងឺរលាកសួតដោយវីរុសកូរ៉ូណាថ្មី។
លោកQuarteyអនុប្រធានសហភាពអាស្រ្វិកបានថ្លែងថា ការទប់ទល់នឹងសភាពជំងឺរលាកសួតថ្មីរបស់ប្រទេសចិនធ្វើឲ្យពិភពលោកមានចំណាប់អារម្មណ៍យ៉ាងខ្លាំង ជឿជាក់ថា ប្រទេសចិនមុខជានឹងយកជ័យជម្នះលើសភាពជំងឺឆ្លងលើកនេះជាមិនខាន៕