ថ្ងៃទី ៦ ខែ កុម្ភៈ នៅទីស្នាក់ការកណ្តាលរបស់អង្គការសហប្រជាជាតិក្រុងញូវយ៉ក លោក Hochschild-Drummond អគ្គលេខាធិការរងនៃអង្គការសហប្រជាជាតិបានសម្តែងការគាំទ្រនិងការលើកទឹកចិត្តចំពោះប្រទេសចិនដែលកំពុងប្រយុទ្ធប្រឆាំងនឹងសភាពជំងឺរលាកសួតដោយវីរុសកូរ៉ូណាថ្មី ។ លោកបានថ្លែងថា ក្នុងគ្រាដ៏លំបាកនេះ ខ្ញុំសូមបង្ហាញការប្តេជ្ញាចិត្តរបស់ខ្ញុំដែលចង់រួមសហការជាមួយប្រជាជនចិនដើម្បីប្រយុទ្ធប្រឆាំងនឹងបញ្ហាប្រឈមលើវិស័យសុខភាពសាធារណៈលើកនេះ ។ យើងខ្ញុំសូមថ្លែងអំណរគុណចំពោះរដ្ឋាភិបាលនិងប្រជាជនរបស់ចិននិងប្រទេសដទៃទៀតដែលបានធ្វើកិច្ចខិតខំប្រឹងប្រែងគ្រប់បែបយ៉ាងដើម្បីប្រយុទ្ធប្រឆាំងនឹងសភាពជំងឺរលាកសួតដោយវីរុសកូរ៉ូណាថ្មី ។
លោក Hochschild-Drummond បានថ្លែងទៀតថា ឆ្នាំ ២០២០ ជាខួបលើកទី ៧៥ នៃការបង្កើតអង្គការសហប្រជាជាតិ ការប្រយុទ្ធប្រឆាំងនឹងសភាពជំងឺរលាកសួតដោយវីរុសកូរ៉ូណាថ្មីលើកនេះ បានបញ្ជាក់ពីសារៈសំខាន់នៃកិច្ចសហប្រតិបត្តិការអន្តរជាតិ ព្រោះថា មានតែយើងទាំងអស់គ្នាសាមគ្គីគ្នានិងធ្វើកិច្ចសហប្រតិបត្តិការគ្នា ទើបអាចទប់ទល់នឹងសភាពជំងឺរលាកសួតដោយវីរុសកូរ៉ូណាថ្មីបាន ៕
