ថ្ងៃទី៦ខែកុម្ភៈ ក្រុមដឹកនាំការងារទប់ទល់នឹងសភាពជំងឺរលាកសួតបង្កឡើងដោយរីរុសកូរ៉ូណាថ្មីនៃគណៈកម្មាធិការមជ្ឈិមបក្សកុម្មុយនិស្តចិនបានកោះប្រជុំក្រោមអធិបតីភាពរបស់លោកលីខឺឈាងនាយករដ្ឋមន្ត្រីចិន។
កិច្ចប្រជុំបានលើកឡើងថា បច្ចុប្បន្ននេះត្រូវបន្តប្រមូលផ្តុំកម្លាំងបំពេញការងារបង្ការនិងគ្រប់គ្រងសភាពជំងឺឆ្លងនៃខេត្តហ៊ូប៉ី ជាពិសេសគឺក្រុងអ៊ូហាន់ ហើយបន្តធានាការផ្គត់ផ្គង់សម្ភារៈសំខាន់ៗសម្រាប់ការព្យាបាល បង្ការនិងគ្រប់គ្រងជំងឺឆ្លង។
បច្ចុប្បន្ននេះ ក្រៅពីខេត្តហ៊ូប៉ី ករណីវិនិច្ឆ័យជាក់លាក់ក្នុងតំបន់ផ្សេងទៀតនៃប្រទេសចិនមានភាពនឹងនរជាទូទៅ ឯអត្រាស្លាប់ក៏ទាបដែរ។ កិច្ចប្រជុំបានចង្អុលបង្ហាញថា តំបន់ទាំងនេះត្រូវរៀបចំការបង្កើតផលជាប្រក្រតីឡើងវិញស្របពេលបន្តធ្វើការងារបង្ការនិងគ្រប់គ្រងបែបវិទ្យាសាស្ត្រ៕