ប៉ុន្មានថ្ងៃកន្លងទៅនេះនេះ គ្រប់មជ្ឈដ្ឋាននៃរុស្សីបានយកចិត្តទុកដាក់ខ្ពស់ចំពោះវិធានការរបស់ចិនក្នុងការប្រយុទ្ធប្រឆាំងនឹងការឆ្លងនៃជំងឺរលាកសួតបង្កដោយវីរុសកូរ៉ូណាប្រភេទថ្មី ។ អ្នកជំនាញនិងបញ្ញវន្តរុស្ស៊ី បានបញ្ចេញនូវទស្សនៈប្រកបដោយវិចារណញ្ញាណដូចៗគ្នា ដោយបានវាយតម្លៃជាវិជ្ជមានចំពោះវិធានការគ្រប់បែបយ៉ាងរបស់រដ្ឋាភិបាលចិន ។
លោក Sergey Sanakoev ប្រធាននៃមជ្ឈមណ្ឌលវិភាគរុស្ស៊ីនិងចិនRussian-Chinese Analytical Center បានអំពាវនាវដល់ប្រជាជន ឱ្យប្រកាន់ខ្ជាប់នូវអាកប្បកិរិយាប្រកបដោយវិចារណញ្ញាណចំពោះសភាពការណ៍នៃជំងឺរលាកសួតបង្កដោយវីរុសកូរ៉ូណាប្រភេទថ្មីនាពេលបច្ចុប្បន្ននេះ ។ លោកបានបញ្ជាក់ថា ដើម្បីបង្ការការរីករាលដាលនៃជំងឺនេះ ប្រទេសចិនបានចាត់វិធានការយ៉ាងតឹងរ៉ឹង ។ បទពិសោធន៍ល្អៗនៃប្រទេសចិនអាចរៀនសូត្រនិងអនុវត្តតាមបាន ក្នុងការប្រយុទ្ធប្រឆាំងនឹងវីរុសនៃពិភពលោកនាពេលអនាគត ។
លោក Oleg Timofeev សាស្ត្រាចារ្យរងនៃសកលវិទ្យាល័យមិត្តភាពប្រជាជនរុស្ស៊ីបានថ្លែងថា រដ្ឋាភិបាលនិងប្រព័ន្ធផ្សព្វផ្សាយនៃប្រទេសចិន បានប្រកាសព័ត៌មានប្រកបដោយតម្លាភាពខ្ពស់អំពីសភាពការណ៍នៃការឆ្លងជំងឺ គួរឱ្យពិភពលោកកោតសរសើរ ។ លោកបានបញ្ជាក់ថា ប្រឈមមុខនឹងសភាពការណ៍នៃការឆ្លងជំងឺនេះ រុស្ស៊ីនិងចិន នឹងបង្កើនកិច្ចសម្របសម្រួលនិងកិច្ចសហប្រតិបត្តិការ ក្នុងវិស័យសុខាភិបាល ៕
