កាលពីព្រឹកថ្ងៃទី ២ ខែកុម្ភៈ លោកZhou Xianwang អភិបាលក្រុងWuhan និងលោកBai Zhongbin មេបញ្ជាការរងនៃផ្នែកភ័ស្តុភារនៃកងទ័ពរំដោះប្រជាជនចិន បានចុះហត្ថលេខាលើឯកសារប្រគល់និងទទួលមន្ទីរពេទ្យជំនាញខាងជំងឺរលាកសួតបង្កដោយវីរុសកូរ៉ូណាប្រភេទថ្មីHuoshenshan ក្រុងWuhan។ នេះបានបញ្ជាក់ថា មន្ទីរពេទ្យនេះ ត្រូវបានប្រគល់ឱ្យក្រុមគ្រូពេទ្យនៃកងទ័ព ដែលបាននឹងកំពុងបំពេញបេសកកម្មនៅខេត្តHubei សម្រាប់គ្រប់គ្រងនិងប្រើប្រាស់ ។
សូមបញ្ជាក់ថា ភារកិច្ចនៃមន្ទីរពេទ្យHuoshenshan ក្រុងWuhan គឺទទួលនិងព្យាបាលអ្នកជំងឺរលាកសួត បង្កដោយវីរុសកូរ៉ូណាប្រភេទថ្មី ដែលត្រូវបានធ្វើរោគវិនិច្ឆ័យឃើញ ។ មន្ទីរពេទ្យនេះមានគ្រែចំនួន ១ ពាន់ ។
លោកZhang Sibing ប្រធាននៃមន្ទីរពេទ្យHuoshenshan ក្រុងWuhan បានថ្លែងថា គ្រូពេទ្យនិងគិលានុបដ្ឋាយិកាទាំងអស់ នឹងប្រើចំណេះដឹង បច្ចេកវិទ្យានិងបទពិសោធន៍រៀងៗខ្លួន ដើម្បីជួយសង្គ្រោះនិងព្យាបាលអ្នកជំងឺឱ្យបានល្អ ក៍ដូចជា ខិតខំប្រឹងប្រែងដើម្បីឈ្នះក្នុងសង្គ្រាមប្រយុទ្ធប្រឆាំងនឹងជំងឺ ៕