លោកWangBin អនុប្រធាននៃមន្ទីរបង្ការនិងគ្រប់គ្រងជំងឺនៃគណៈកម្មាធិការសុខាភិបាលជាតិចិនបានថ្លែងក្នុងសន្និសីទកាសែតនៃគណៈកម្មាធិការសុខាភិបាលជាតិចិនកាលពីថ្ងៃទី ២ ខែកុម្ភៈថា ខណៈថ្ងៃឈប់សម្រាកដើម្បីអបរអរសាទរបុណ្យចូលឆ្នាំថ្មីប្រពៃណីចិន បានបញ្ចប់ គណៈកម្មាធិការសុខាភិបាលជាតិចិនបានដាក់ចេញនូវវិធានការនិងសេចក្តីណែនាំស្តីពីការបង្ការជំងឺរលាកសួតបង្កដោយវីរុសកូរ៉ូណាប្រភេទថ្មី ដោយផ្តោតទៅលើប្រជាជនទូទៅ ដែលបានធ្វើដំណើរ តាមគ្រប់ប្រព័ន្ធដឹកជញ្ជូន ដូចជា រថយន្តសាធារណៈ រថភ្លើង នាវានិងយន្តហោះ ព្រមទាំងកន្លែងសាធារណៈផ្សេងៗ ។
លោកWangBin បានថ្លែងថា ត្រូវតែបង្កើនការសម្លាប់មេរោគ នៅក្នុងរថយន្ត រថភ្លើងយន្តហោះនិងនាវា ដែលកំពុងប្រតិបត្តិការអាជីវកម្ម ។ បើសិនជាអាចធ្វើបាន ត្រូវឱ្យអ្នកដំណើរអង្គុយ ឃ្លាតឱ្យបានឆ្ងាយពីគ្នា ។ ក្រៅពីនេះ អ្នកដំណើរត្រូវកាត់បន្ថយការប៉ះពាល់ជាមួយវត្ថុសាធារណៈ ព្រមទាំងកាត់បន្ថយការប៉ះពាល់ជាមួយអ្នកដទៃ ។
