អ្នកសារព័ត៌មានបានដំណឹងពីក្រសួងហិរញ្ញវត្ថុចិននាថ្ងៃទី ២ ខែកុម្ភៈថា ពេលកន្លងមកនេះ ក្រសួងហិរញ្ញវត្ថុចិនបានប្រកាសនវិធានការថ្មីជាច្រើន ដើម្បីគាំទ្រហិរញ្ញវត្ថុក្នុងការចូលរួមការងារបង្ការនិងគ្រប់គ្រងការរីករាលដាលនៃជំងឺរលាកសួតបង្កដោយវីរុសកូរ៉ូណាប្រភេទថ្មីឱ្យកាន់តែល្អប្រសើរ។
លោក Zou Jiayi អនុរដ្ឋមន្ត្រីក្រសួងហិរញ្ញវត្ថុចិនបានថ្លែងថា ក្រសួងនឹងបញ្ចុះអត្រាការប្រាក់មូលធនដល់សហគ្រាសផលិតសម្ភារៈផ្នែកសុខាភិបាលសំខាន់ៗដែលផ្តោតលើការបង្ការរោគ ការផលិតវ៉ាក់សាំង ការវាស់ស្ទង់ ផលិតផលឱសថ ឧបករណ៍វេជ្ជសាស្ត្រជាដើម ។ ជាមួយគ្នានេះ ក្រសួងនឹងណែនាំស្ថាប័នហិរញ្ញវត្ថុឱ្យកែលម្អគុណភាពក្នុងការផ្តល់សេវាកម្ម និងបង្កើនការផ្តល់មូលធន ដើម្បីឆ្លើយតបនឹងតម្រូវការមូលធនសមហេតុផលសម្រាប់បណ្តាសហគ្រាសផ្នែកផលិតសម្ភារៈបង្ការនិងគ្រប់គ្រងការរីករាលដាលនៃជំងឺ៕