ក្នុងរយៈពេលប៉ុន្មានថ្ងៃកន្លងមកនេះ អ្នកនយោបាយសំខាន់ៗនៃបណ្តាប្រទេសនានាបានវាយតម្លៃខ្ពស់អំពីវិធានការដ៏រឹងមាំរបស់ប្រទេសចិនក្នុងការប្រយុទ្ធប្រឆាំងនឹងការរាតត្បាតនៃជំងឺរលាកសួតប្រភេទថ្មី ដោយបានសម្តែងការគាំទ្រយ៉ាងមុតមាំ ក៍ដូចជា ជំនឿចិត្តចំពោះការយកជ័យជម្នះលើសង្រ្គាមប្រយុទ្ធប្រឆាំងនឹងការរីករាលដាលនៃជំងឺនេះ ។
លោក David Zalkaliani រដ្ឋមន្ត្រីក្រសួងការបរទេសហ្ស៊កហ្ស៊ី បានថែ្លងថា អំឡុងផ្ទុះនូវជំងឺរលាកសួតបង្កដោយវីរុសកូរ៉ូណាប្រភេទថ្មី ភាគីហ្ស៊កហ្ស៊ីចង់ប្រាប់មិត្តចិនថា ហ្ស៊កហ្ស៊ីកំពុងឈរជាមួយប្រទេសចិន។ ភាគីទាំងពីរនឹងបន្តពង្រីកកិច្ចសហប្រតិបត្តិការដើម្បីរួមគ្នាខិតខំប្រឹងប្រែងក្នុងការទប់ស្កាត់ការរីករាលដាលនៃជំងឺនេះ។
លោក Jaime Manalich រដ្ឋមន្រ្តីក្រសួងសុខាភិបាលប្រទេសស៊ីលីបានថែ្លងថា រដ្ឋាភិបាលស៊ីលីជឿជាក់យ៉ាងមុតមាំថា ប្រទេសចិននឹងបង្ការនិងគ្រប់គ្រងជំងឺនេះប្រកបដោយប្រសិទ្ធភាព ព្រមទាំងអាចយកជ័យជម្នះលើសង្រ្គាមប្រយុទ្ធប្រឆាំងនឹងការរាតត្បាតនៃជំងឺនេះបាន។ ប្រទេសស៊ីរីមានឆន្ទៈក្នុងការរក្សានូវទំនាក់ទំនងយ៉ាងជិតស្និទ្ធជាមួយប្រទេសចិន ក៍ដូចជាពង្រឹងនិងពង្រីកទំនាក់ទំនងនិងកិច្ចសហប្រតិបត្តិការលើការបង្ការនិងគ្រប់គ្រងជំងឺរាតត្បាតនេះ ។
លោក Gennady Onishchenko អនុប្រធានទីមួយនៃគណៈកម្មាធិការអប់រំនិងវិទ្យាសាស្ត្រនៃសភាជាន់ទាបនៃប្រទេសរុស្ស៊ីបានថែ្លងថា អាកប្បាកិរិយាបើកទូលាយ តម្លាភាពនិងទំនួលខុសត្រូវព្រមទាំងវិធានការដ៏រឹងមាំរបស់ប្រទេសចិនដែលបានបង្ហាញក្នុងការទប់ស្កាត់នឹងការរីករាលដាលនៃជំងឺរលាកសួតបង្កដោយវីវុសកូរ៉ូណាប្រភេទថ្មីគួរឱ្យកោតសរសើរ។ការចែករំលែកនូវព័ត៌មានពាក់ព័ន្ធអាចជួយដល់ការសិក្សាស្រាវជ្រាវជំងឺនេះ៕
