អំឡុងពេលឈប់សម្រាកបុណ្យចូលឆ្នាំប្រពៃណីចិន ដើម្បីទប់ស្កាត់ជំងឺរលាកសួតបង្កដោយវីរុសកូរ៉ូណាប្រភេទថ្មី ក្រសួងនិងស្ថាប័នមានពាក់ព័ន្ធរបស់ចិនបានបើកដំណើរការជាភ្លាមនូវផ្លូវអាកាសជាតិនិងអន្តរជាតិជាច្រើន ដើម្បីគាំទ្រការងារដឹកជញ្ជូនសម្ភារៈជួយសង្គ្រោះបន្ទាន់ ក៍ដូចជាសម្ភារៈប្រើប្រាស់ចាំបាច់ប្រចាំថ្ងៃផ្គត់ផ្គង់ទៅឱ្យប្រជាជនទីក្រុងវូហាន ខេត្តហូប៉េនិងតំបន់សំខាន់ៗផ្សេងទៀត។
ក្នុងសន្និសីទសារព័ត៌មាននាថ្ងៃទី ៣ ខែកុម្ភៈ ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានប្រាប់ឱ្យដឹងថា គិតត្រឹមថ្ងៃទី ២ កុម្ភៈ ក្រុមហ៊ុនប្រៃសណីយចិនបានចាត់យានយន្តប្រៃសណីយធ្វើដំណើរចំនួន ៣ ម៉ឺន ២ ពាន់ដង និងយន្តហោះប្រៃសណីយពិសេសចំនួន ៥ គ្រឿង ដើម្បីដឹកជញ្ជូនសម្ភារៈបង្ការជំងឺ ដូចជាម៉ាស់ និងឱសថជាដើមចំនួនជាង ៤ ម៉ឺន ៩ ពាន់ប្រអប់ ។ ការប្រើប្រាស់នូវមធ្យោបាយទាំងនេះបានជួយសម្រួលដល់ការដឹកជញ្ជូនយ៉ាងខ្លាំង។