លោក CaoYu អនុប្រធានគណៈកម្មាធិការត្រួតពិនិត្យនិងគ្រប់គ្រងធនាគារនិងការធានារ៉ាប់រងប្រទេសចិនបានគូសបញ្ជាក់កាលពីថ្ងៃទី ១ ខែកុម្ភៈថា ផលប៉ះពាល់ដែលបណ្តាលមកពីជំងឺរលាកសួតបង្កដោយវីរុសកូរ៉ូណាប្រភេទថ្មីជះឥទ្ធិពលទៅលើទីផ្សារហិរញ្ញវត្ថុចិន មុខជាបន្តតែក្នុងរយៈពេលខ្លី និងបណ្តោះអាសន្នប៉ុណ្ណោះ។
លោកបានបញ្ជាក់ថា ទីផ្សារហិរញ្ញវត្ថុរងឥទ្ធិពលពីកត្តាជាច្រើន ហើយទីផ្សារបានធ្លាក់ចុះដោយបានរងនូវឥទ្ធិពលពីវិបត្តិហានិភ័យកម្រិតណាមួយ នេះជារឿងធម្មតាហើយវាក៏សមស្របនឹងច្បាប់ហិរញ្ញវត្ថុផងដែរ។ ចំពោះករណីនៃការផ្ទុះជំងឺឆ្លងដែលជះឥទ្ធិពលដល់ទីផ្សារហិរញ្ញវត្ថុចិនគឺមិនខុសឆា្ងយពីហានិភ័យទាំងនោះដែរ។ ប៉ុន្តែសូមបញ្ជាក់ថាកម្រិតរងឥទ្ធិពលបែបនេះមុខជាមានក្នុងក្នុងរយៈពេលខ្លី និងបណ្តោះអាសន្នប៉ុណ្ណោះ ពីព្រោះកត្តាសម្រេចអនាគតនៃទីផ្សារហិរញ្ញវត្ថុប្រទេសមួយគឺផ្តោតលើមូលដ្ឋានគ្រឹះនៃការអភិវឌ្ឍសេដ្ឋកិច្ចនិងហិរញ្ញវត្ថុនៃប្រទេសនោះ។
លោកបានសង្កត់ធ្ងន់ទៀតថា ចិនបានខិតខំធ្វើកំណែទម្រង់និងបើកទូលាយ ហើយបានបង្កើនកម្រិតធ្វើការត្រួតពិនិត្យនិងគ្រប់គ្រងរយៈពេលវែង ធ្វើឱ្យស្ថាប័នហិរញ្ញវត្ថុចិននិងទីផ្សារហិរញ្ញវត្ថុចិនទទួលបានភាពរឹងមាំកាន់តែខ្លាំក្នុងប៉ុន្មានឆ្នាំចុងក្រោយនេះ សមត្ថភាពក្នុងការទប់ទល់នឹងហានិភ័យត្រូវបានកែលម្អយ៉ាងខ្លាំង។ បច្ចុប្បន្ននេះ ការផ្គត់ផ្គង់មូលធនដល់ទីផ្សារហិរញ្ញវត្ថុនៃស្ថាប័នធនាគារនិងការធានារ៉ាប់រងនៅតែរក្សាស្ថិរភាព៕