អ្នកសារព័ត៌មានបានដំណឹងពីសន្និសីទកាសែតនៃរដ្ឋបាលប្រជាជនខេត្តZhejiang ប្រទេសចិនកាលពីថ្ងៃទី ៣១ ខែមករាឱ្យដឹងថា ពេលបច្ចុប្បន្ននេះ ទីផ្សារកសិផលនិងគ្រឿងឧបភោគបរិភោគបន្ទាប់បន្សំជាង ៩០% នៃខេត្តZhejiang បាននឹងកំពុងដំណើរអាជីវកម្មជាប្រក្រតី ។ លោក Chen Zhenhua អនុប្រធាននៃមន្ទីរត្រួតពិនិត្យនិងគ្រប់គ្រងទីផ្សារនៃខេត្តZhejiang បានថ្លែងថា ពេលបច្ចុប្បន្ននេះ ទីផ្សារកសិផលនិងគ្រឿងឧបភោគបរិភោគបន្ទាប់បន្សំដែលកំពុងធ្វើអាជីវកម្មជាប្រក្រតីមានចំនួន ២០០២ ត្រូវជា ៩០.៧%នៃចំនួនសរុបនៃទីផ្សារកសិផលនិងគ្រឿងឧបភោគបរិភោគបន្ទាប់បន្សំដែលបានចុះបញ្ជីនៃខេត្តZhejiang ។
ព្រមពេលជាមួយគ្នានេះ ខេត្ត Zhejiang បានលុបចោលទាំងស្រុងនូវការធ្វើជំនួញបសុបក្សីនៅក្នុងទីផ្សារកសិផលនិងគ្រឿងឧបភោគបរិភោគបន្ទាប់បន្សំនៃខេត្តនេះ ពិសេសគឺបានទប់ស្កាត់ទាំងស្រុងនូវការធ្វើជំនួញសត្វព្រៃក្នុងទីផ្សារកសិផលនិងគ្រឿងឧបភោគបរិភោគនៃខេត្តនេះ ។
ក្រៅពីនេះ ខេត្ត Zhejiang បានផ្តោតសំខាន់ទៅលើការត្រួតពិនិត្យតម្លៃនៃបរិក្ខារបង្ការជំងឺ ដូចជាម៉ាស់ជាដើម ។ ពេលបច្ចុប្បន្ននេះបានដាស់តឿនដល់ក្រុមហ៊ុនចំនួន ៧៥៨០ ឱ្យធ្វើពាក្យសន្យាថាមិនដំឡើងថ្លៃ ។